Chegou o día! Tedes as vosas embalaxes deseñadas, o material para traballar e a repartición das tarefas feitas.

Tedes aprendido unha chea de cousas sobre o packaging sostible e as construcións do debuxo técnico.

Segundo o tamaño das vosas pezas e obxectos, tedes os bosquexos das embalaxes listos para colaborar coas asociacións da vosa vila!

Uns consellos de última hora: deseñar embalaxes sostibles tamén é unha forma de coidar o mundo. 

1. Lembrade as necesidades das asociacións: tede en conta o obxecto que precisan empaquetar, como se entrega e que imaxe quere transmitir. A embalaxe debe adaptarse ao produto... non ao revés!

2. Repartide as tarefas de forma que cada un poida achegar as súas ideas e colaborade para que o deseño final sexa coherente, funcional e creativo. O traballo en grupo faravos máis fortes.

3. Empregade materiais reciclados ou reutilizados sempre que poidades: cartón, papel, tecidos, cordas ou envases xa empregados. Poden ter unha segunda vida se se transforman con enxeño.

4. Deseñade pensando no impacto ambiental: evitade plásticos e materiais innecesarios. Un bo packaging protexe o produto, pero tamén respecta o planeta.

5. Tede en conta a mensaxe: a embalaxe tamén comunica. Pode levar o nome da asociación, un logotipo, un lema... ou mesmo contar unha pequena historia do produto.

6. Revisade o resultado como equipo: comprobade que é resistente, útil, bonito e sostible. Podedes facerlle unha foto para gardar a memoria do proceso. 

Lembrade: o traballo en equipo, a creatividade e a preocupación polo medio ambiente faivos ser mellores artistas do packaging.

Se seguistes todos os pasos, xa podedes completar o reto. Lembrade que o traballo en equipo axudará a que todo vaia segundo o previsto.