Representación no plano dun obxecto tridimensional despregado.
Exemplo:
Tedes que facer o desenvolvemento da caixa para recortala e montala.
Deseño
Definición:
Proceso de pensar e planificar como será algo.
Exemplo:
O deseño da caixa ten cores rechamantes.
Embalaxe
Definición:
Obxecto físico que contén un produto.
Exemplo:
O envase deste perfume ten forma piramidal.
Maqueta
Definición:
Modelo do deseño feito con materiais como papel ou cartón.
Exemplo:
Cada grupo presentou a maqueta da súa embalaxe.
Material de refugallo
Definición:
Material que se pode reutilizar ou reciclar.
Exemplo:
Pepe empregou cartón como material de refugallo para o deseño.
Packaging
Definición:
O packaging é o deseño da embalaxe ou envoltorio dun produto.
Exemplo:
Ides crear o voso propio packaging para unha bolacha.
×
Packaging
Se pensamos nun obxecto que se pode agasallar ou mercar, na maior parte das veces asóciase que ese obxecto virá nun envase ou packaging. O packaging implica a envoltura ou embotellamento de produtos para protexelos.
Hoxe en día é enorme a cantidade de bebidas, alimentos, cosméticos, electrodomésticos ou calzado, que se atopan dentro dun recipiente distinto, que ten a súa identidade segundo cal sexa o seu contido. O deseño destes envases é o que se coñece como packaging, un empaquetado do produto cunha imaxe acorde ao mesmo.
×
Lectura facilitada
A maioría das veces asóciase que un obxecto virá nun envase ou packaging.
O packaging implica a envoltura ou embotellamento de produtos para protexelos.
É enorme a cantidade de obxectos que se atopan dentro dun recipiente distinto.
O recipiente depende da identidade segundo cal sexa o seu contido.
O deseño destes envases é o que se coñece como packaging.
Audio
Funcións
As principais funcións da embalaxe serán:
- Facilita a manipulación do produto: deberá ser fácil de abrir, utilizar e almacenar.
- Achega protección contra axentes externos que poidan danar o obxecto durante o transporte e almacenaxe.
- Promociona o produto e informa á persoa consumidora.
- Crea identidade visual: o deseño da embalaxe debe de reflectir o produto que hai no seu interior, tendo en conta cores, materiais e formas.
Lectura facilitada
As principais funcións da embalaxe serán:
- Facilita a manipulación do produto: deberá ser fácil de
Abrir.
Utilizar.
Almacenar.
- Achega protección contra axentes externos que poidan danar o obxecto.
- Promociona o produto e informa ao consumidor.
- Crea identidade visual: o deseño debe de reflectir o produto que hai no seu interior.
Audio
Materiais
Cando pensades que materiais se poden empregar para construír a embalaxe dun produto é onde entra en acción o concepto de sustentabilidade. Tedes que pensar e investigar sobre como podedes facer unha embalaxe ecoeficiente, e empregar materiais que causen menos dano ao medio ambiente.
- Empregaredes materiais de refugallo.
- Pensaredes na reciclabilidade: a embalaxe ten que poder ser reciclada após o seu uso.
- Menos material: empregar só o material necesario para a embalaxe.
- Biodegradabilidade.
Unha boa estratexia para facer o packaging máis ecolóxico será empregar material de refugallo, é dicir, materiais que poden reutilizarse:
Plástico reciclado.
Cartón reciclado.
Esta estratexia ten como obxectivo reducir a cantidade de residuos que xeramos e reutilizar o que xa temos para crear novos produtos.
×
Lectura facilitada
Se pensades materiais que se poden empregar para construír a embalaxe é onde aparece o concepto de sustentabilidade.
Tedes que pensar e investigar sobre como facer unha embalaxe ecoeficiente.
- Empregaredes materiais de refugallo.
- Pensaredes na reciclabilidade: a embalaxe ten que pode ser reciclada tras o seu uso.
- Menos material: empregar só o material necesario para a embalaxe.
- Biodegradabilidade.
Unha boa estratexia para facer o packaging máis ecolóxico será empregar material de refugallo, é dicir, materiais que poden reusarse:
Plástico reciclado.
Cartón reciclado.
Esta estratexia ten como obxectivo reducir a cantidade de residuos que xeramos e reutilizar o que xa temos para crear novos produtos.
Audio
Tendo isto en conta, o packaging non só debe ser funcional, senón que a parte máis importante desde a definición do termo é o deseño.
Podería entenderse coma unha simple embalaxe de protección, mais o deseño vai moito máis alá. A mensaxe é o deseño, o produto define o envase, pero ademais, para que o packaging sexa máis valioso, ten que ser atractivo, funcional e reutilizable.
O emprego de materiais de refugallo para reducir o impacto ambiental é clave para coidardes o voso planeta.
Lectura facilitada
O packaging non só debe ser funcional, senón que a parte máis importante desde a definición do termo é o deseño.
A mensaxe é o deseño, o produto define o envase.
Para que o packaging sexa máis valioso, ten que ser:
Atractivo.
Funcional.
Reutilizable.
Empregar materiais de refugallo para reducir o impacto ambiental é clave.
Audio
Deseño do packaging
Non todos os produtos requiren o mesmo tipo de envase: os líquidos, por exemplo, transpórtanse en botellas, mentres que os sólidos adoitan ir envoltos. Os obxectos fráxiles, coma os de vidro, precisan envases de máis protección.
Aínda que moitas veces se usan como sinónimos, envasar e embalar teñen significados distintos. Envasar consiste en cubrir o produto para protexelo de danos e perdas, e embalar refírese a colocar varios produtos xa envasados nun contedor maior para facilitar o seu almacenamento ou transporte.
No deseño de envases destacan varios aspectos: deseño funcional, deseño estrutural, deseño gráfico e o deseño sostible ou ecolóxico.
×
Lectura facilitada
Non todos os produtos requiren o mesmo tipo de envase: os líquidos, por exemplo, transpórtanse en botellas, mentres que os sólidos adoitan ir envoltos.
Os obxectos fráxiles, coma os de vidro, precisan envases de máis protección.
Aínda que moitas veces se usan como sinónimos, envasar e embalar teñen significados distintos.
Envasar consiste en cubrir o produto para protexelo de danos e perdas.
Embalar refírese a colocar varios produtos xa envasados nun contedor maior para facilitar o seu almacenamento ou transporte.
No deseño de envases destacan varios aspectos:
Deseño funcional.
Deseño estrutural.
Deseño gráfico.
Deseño sostible ou ecolóxico.
Audio
Deseño funcional
Centrado na usabilidade: que sexa fácil de abrir, pechar, transportar e almacenar.
×
×
Audio
Deseño estructural
Hai que ter en conta a composición segundo sexa sólido, líquido, orgánico ou inorgánico, xa que necesita materiais diferentes.
Ter en conta o tamaño, forma, peso, fraxilidade e a resistencia ambiental.
×
Lectura facilitada
Hai que ter en conta a composición segundo sexa:
Sólido.
Líquido.
Orgánico.
Inorgánico.
Cada un destes necesita materiais diferentes.
Ter en conta:
Tamaño.
Forma.
Peso.
Fraxilidade.
Resistencia ambiental.
Audio
Deseño gráfico
É o deseño visual do envase e vai comunicar a identidade do produto.
Transmite información esencial como a orixe, usos, instrucións.... Pode ter un deseño minimalista ou o que se coñece como deseño emocional, que usa cores, formas e estilos para chamar a atención.
×
Lectura facilitada
É o deseño visual do envase.
Vai comunicar a identidade do produto.
Transmite información esencial como:
A orixe.
Usos.
Instrucións.
Pode ter un deseño minimalista.
Tamén se coñece como deseño emocional.
O deseño minimalista ou emocional usa cores, formas e estilos para chamar a atención.
Audio
Deseño sostible e ecolóxico
Busca reducir o impacto ambiental.
Emprega materiais reciclables, biodegradables ou reutilizables e minimiza o uso de recursos ou o tamaño do envase.
×
×
Lectura facilitada
Busca reducir o impacto ambiental.
Emprega materiais de tipo:
Reciclables.
Biodegradables.
Reutilizables.
Todos estes minimizan o uso de recursos ou o tamaño do envase.
Audio
O futuro do packaging
O modelo actual de produción e consumo está a causar un impacto ambiental insostible. Ante a crecente necesidade de empaquetar produtos, faise urxente reformular o packaging desde unha perspectiva sostible, reducindo o uso de materiais contaminantes coma o plástico.
Hai que apostar por materiais ecolóxicos: o cartón, vidro reciclable e materiais biodegradables son as opcións máis destacadas. As bolsas de papel ou tea están a gañar terreo fronte ao plástico.
O packaging do futuro busca ser:
Sostible: usando materiais lixeiros e reciclables.
Funcional e innovador: envases intelixentes, capaces de quentar ou arrefriar o contido.
Inclusivo e universal: pensando para todo tipo de usuarios/as.
A investigación e a tecnoloxía serán claves para crear novos modelos de packaging adaptados a un mundo que precisa de xeito urxente reducir o seu impacto ambiental.
O uso masivo de plásticos de un só uso representa un dos maiores desafíos ambientais da actualidade. Estes materiais, tardan centos de anos en degradarse, acumulándose en ríos e océanos.
Por iso, avanzar cara a un packaging ecolóxico é unha necesidade ambiental e ética. Dar prioridade aos materiais reciclables ou biodegradables, así como reducir o volume e peso dos envases, son pasos fundamentais para frear a contaminación plástica e contribuír a un futuro máis sostible.
Animádesvos a crear unha embalaxe ecolóxica?
Lectura facilitada
O modelo actual de produción e consumo está a causar un impacto ambiental insostible.
É urxente reformular o packaging desde unha perspectiva sostible.
Isto permitirá reducir o uso de materiais contaminantes coma o plástico.
Hai que apostar por materiais ecolóxicos:
Cartón.
Vidro reciclable.
Materiais biodegradables.
As bolsas de papel ou tea están a gañar terreo fronte ao plástico.
O packaging do futuro busca ser:
Sostible: usando materiais lixeiros e reciclables.
Funcional e innovador: envases intelixentes, capaces de quentar ou arrefriar o contido.
Inclusivo e universal: pensando para todo tipo de usuarios/as.
A investigación e a tecnoloxía serán claves para crear novos modelos de packaging.
O uso masivo de plásticos de un só uso representa un dos maiores desafíos ambientais da actualidade.
Estes materiais, tardan centos de anos en se degradaren, acumulándose en ríos e océanos.
Por iso, avanzar cara a un packaging ecolóxico é unha necesidade ambiental e ética.
Dar prioridade aos materiais reciclables ou biodegradables son pasos fundamentais para frear a contaminación plástica e contribuír a un futuro máis sostible.
Audio
Rosco xeométrico
2
Observa as letras, identifica e enche as palabras que faltan.
.png "Desenvolvementos")
.png "Packaging")
