Chegou o momento de cubrir os apartados da Fase 3 do voso diario de aprendizaxe.
Nesta fase, centrástesvos en investigar sobre o packaging, as construcións básicas do debuxo técnico e as vistas diédricas.
Coñecestes a que se refire o termo packaging e a importancia da sostibilidade que vos axudarán a conseguir o voso reto. Tamén experimentastes coas construcións básicas da xeometría, construcións de polígonos e representación de obxectos coas vistas diédricas que vos servirán como primeiros pasos antes de comezar coas ideas e bosquexos para o voso reto.
Con escuadro, cartabón e compás, trazastes moito máis ca liñas: construistes figuras, descubristes perspectivas e fixestes que os polígonos cobrasen vida! Quen vos ía dicir que o debuxo técnico podía ser tan preciso... e tan entretido!
Anotade no diario as vosas reflexións. Se non tedes o diario de aprendizaxe podedes ver o documento dende esta ligazón.
Lectura facilitada
Ides cubrir os apartados da Fase 3 do voso diario de aprendizaxe.
Nesta fase, centrástesvos en:
- Investigar sobre o packaging e as construcións básicas e vistas do debuxo técnico.
- Coñecestes a importancia do deseño sostible.
- Experimentastes coas construcións básicas, polígonos e vistas diédricas.
Anotade no diario as vosas reflexións.
Podedes ver o diario facendo clic nesta ligazón.