Definición:
Bombear significa impulsar ou empuxar un líquido dun lugar a outro. No corpo, o corazón bombea o sangue, é dicir, impúlsao con forza para que circule por todo o corpo.
Exemplo:
O corazón bombea o sangue para que chegue ás células do corpo.
O sistema circulatorio é o encargado de mover o sangue por todo o corpo. Grazas a el, o sangue transporta os nutrientes e o osíxeno ás células e recolle os refugallos, como o dióxido de carbono, para ser eliminados.
As súas funcións principais son:
Función principal:
O sistema circulatorio move o sangue por todo o corpo.
O sangue leva nutrientes ás células.
Tamén leva osíxeno.
As células usan esas substancias para funcionar ben.
O sangue tamén recolle refugallos das células.
Por exemplo, recolle o dióxido de carbono.
Despois, o corpo expulsa eses refugallos.
O sistema circulatorio ten varias funcións importantes:
Levar os nutrientes ás células.
Levar o osíxeno ás células.
Recoller os refugallos das células.
Axudar a manter a temperatura do corpo.
Defender o corpo fronte ás enfermidades.
As partes e órganos do sistema circulatorio que fan posible cumprir esas funcións son:
Para que o sangue se mova por todo o teu corpo hai dous grandes percorridos ou circulacións
O sistema circulatorio ten varias partes que traballan xuntas.
Grazas a elas, o sangue pode cumprir as súas funcións.
O corazón:
É o motor do sistema circulatorio.
É un músculo que non para de traballar.
O corazón bombea o sangue.
Ten catro partes: dúas aurículas e dous ventrículos.
Funciona como unha bomba.
Os vasos sanguíneos:
Son os camiños por onde circula o sangue.
Hai tres tipos:
Arterias:
Levan o sangue con osíxeno dende o corazón ao corpo.
Veas:
Traen o sangue con dióxido de carbono de volta ao corazón.
Capilares:
Son vasos moi finos.
Aquí o sangue cambia osíxeno e nutrientes coas células.
O sangue:
É o líquido que se move por todo o corpo.
O sangue está formado por varias partes:
Glóbulos vermellos:
Levan o osíxeno ás células.
Glóbulos brancos:
Defenden o corpo das enfermidades.
Plaquetas:
Axudan a pechar feridas.
Plasma:
É o líquido que leva todas estas células.
O sangue fai dous percorridos principais:
Circulación maior:
O corazón manda o sangue con osíxeno ao corpo.
Despois recolle o sangue co dióxido de carbono.
Circulación menor:
Leva o sangue aos pulmóns.
Alí solta o dióxido de carbono e colle osíxeno.
Despois o sangue volve ao corazón.
Preme para ver un vídeo.
Licenciado baixo a Licenza Creative Commons Atribución Non-comercial Compartir igual 4.0