Diario de aprendizaxe
É o momento de sacar conclusións. Tiveches a oportunidade de avaliarte de varias maneiras: seguindo unha lista de tarefas, coas opinións dos teus compañeiros e compañeiras e seguindo unha rúbrica de auto-avaliación na que de maneira persoal reflexionaches sobre o realizado durante toda a situación de aprendizaxe.
Crees que é sinxelo realizar unha boa avaliación con estes instrumentos? Serviuche ter unha lista de tarefas para guiarte no proceso? Como levaches as opinións dos demais? Anota no diario as túas reflexións e recorda que esta información pode servirche para aprender máis sobre ti e sobre a maneira na que aprendes.
Lectura facilitada
Xa chegamos ao final da Fase 5.
Agora toca completar esta parte no teu diario de aprendizaxe.
Cando o fagas, rematarás o diario completo.
Nesta fase reflexionarás sobre como te avaliaches.
Durante a situación de aprendizaxe, avaliácheste de diferentes maneiras:
– Cunha lista de tarefas
– Coas opinións dos teus compañeiros e compañeiras
– Cunha rúbrica de autoavaliación, onde pensaches sobre o que fixeches
Agora pensa e responde no teu diario:
– Foi doado facer unha boa avaliación usando estes instrumentos?
– Axudouche ter unha lista de tarefas para seguir os pasos?
– Como te sentiches coas opinións dos demais?
– Que aprendiches sobre ti e sobre como aprendes?
Escribir estas reflexións é moi útil.
Axudaranche a coñecerte mellor e a mellorar cada vez que aprendas algo novo.