Coñeces o refrán “A froita pola mañá é ouro, pola tarde é prata e pola noite mata”? Hai mitos que defenden que se comes froita pola noite podes ter máis posibilidades de engordar ou de durmir mal, polo azucre e pola frutosa que teñen.

Ao mellor foi o que lle pasou a Brancaneves, que a bruxa lle deu a mazá pola noite e por iso sentoulle mal e desmaiouse.

Sabías que tamén din que tomar polbo con auga é malo porque pode facer que che inche o bandullo?

Hai moitos mitos sobre alimentación que fannos dubidar sobre o que comemos, por iso debemos aprender a detectalos para coidar mellor a nosa saúde.

Do mesmo xeito, hai moitos alimentos que comemos pensando que son saudables pero realmente non o son. Neste REA cambiará a túa forma de ver a comida e adquirirás os coñecementos necesarios para levar a cabo una alimentación equilibrada que contribúa a adquirir os principais nutrientes á vez que evitas alimentos prexudiciais que non te benefician en nada.