Definición:
Que está formado por elementos ou persoas de distinta natureza ou diferentes, con ideas, gustos ou habilidades distintas.
Exemplo:
Unha macedonia é unha mestura heteroxénea formada por froitas.
Definición:
Fortalezas son as cousas que se che dan ben ou nas que destacas, como traballar en equipo, debuxar ou falar en público.
Exemplo:
Cada persoa do grupo puxo as súas fortalezas ao servizo do equipo para facer un bo cartel.
O primeiro que ides crear son os grupos de traballo, que se manterán durante todas as sesións desta situación de aprendizaxe ata alcanzar o reto final. A idea é crear un grupo heteroxéneo para afrontar todas as actividades, onde poidades participar e realizar achegas libremente segundo as vosas habilidades, fortalezas e características individuais.
Aínda que a clase se agrupe en diferentes equipos de traballo, todos tendes o mesmo obxectivo: crear un produto de difusión sobre un alimento para concienciar das repercusións de consumir ese alimento e posibles alternativas saudables.
A cooperación é unha das mellores maneiras de aprender. Se algún equipo precisa axuda e ti e mailo teu grupo pode axudar, non dubidedes en facelo.
Crearedes grupos de traballo que se manterán durante todas as sesións.
Todas as persoas xuntas realizaredes actividades, axudándovos e avaliándovos entre vós.
Debedes crear un grupo equilibrado onde todos e todas poidades participar e realizar achegas.
Todas as persoas tendes o obxectivo de crear prototipos.
A cooperación é unha das mellores formas de aprender. Se algún equipo precisa axuda e ti podes axudalo, non dubides en facelo.
Estás preparada/o para saber quen será parte do teu equipo? Pois adiante!
É o momento de formar os equipos. Para iso a túa mestra ou o teu mestre vaivos repartir unha tarxeta a cadaquén onde vén recollido un alimento que pertence a un dos seis grupos nutricionais. Recordas cales son?
Andando pola clase deberás buscar os compañeiros e compañeiras que teñan un alimento do mesmo grupo ca ti. Unha vez que esteades co equipo feito, buscaredes información sobre ese grupo e escribiredes nun folio os seguintes datos:
1. Número e nome do grupo segundo a roda de alimentos.
2. Función principal dese tipo de alimentos segundo o seu nutriente principal.
3. Cantas veces á semana se pode consumir ese alimento.
4. Receitas saudables con ese tipo de alimentos.
Unha vez formados os grupos, debedes cubrir a vosa ficha de equipo, na que figurará:
Acceso ao documento en formato editable ficha de equipo en formato ODG (ábrese en nova xanela)
Acceso ao documento ficha de equipo en formato PDF (ábrese en nova xanela)
Fíxate nos seguintes aspectos:
Se queres ver como serán as valoracións do traballo en grupo, revisa a rúbrica do punto 5.2 na seguinte ligazón: Valora o traballo en equipo.
Buscades o éxito? Fíxate no seguinte:
Participación: debedes colaborar e participar todos e todas.
Clima de traballo: Mantén a educación e o respecto coas demais persoas. Toda a xente traballará máis cómoda.
Posta en común de ideas: Fai achegas de valor e respecta as opinións das demais persoas.
Seguimento do voso traballo: Analizade e corrixide a tempo as cousas que poidades. Propoñede novas solucións se vedes que as cousas non saen como deben.
Autonomía: un grupo de éxito sabe traballar sen apenas axuda, pero se a precisades, pedídea! Aínda estades a aprender.
Se queres saber como se valorará o traballo en grupo, revisa a rúbrica do punto 5.2.
Licenciado baixo a Licenza Creative Commons Atribución Non-comercial Compartir igual 4.0