Glosario

Análise

Definición:: Análise é a observación de algo con atención para entender como é, que contén ou se é bo ou malo para nós.
Exemplo:: Faremos a análise das merendas do recreo para saber se teñen moito azucre ou se son saudables.

Tríptico

Definición:: Un tríptico é un folleto que se dobra en tres partes e que serve para informar sobre un tema dun xeito claro e resumido.
Exemplo:: No noso equipo imos facer un tríptico para explicar por que é importante almorzar de forma saudable.

Difusión

Un presentador de televisión mostrando un cartel dun alimento e dicindo: as apariencias enganan.

Definición:: Difusión é a acción de compartir unha información para que chegue ao maior número posible de persoas.
Exemplo:: A nosa campaña de alimentación saudable rematará coa difusión dos carteis por todo o colexio.

Impacto

Definición:: Impacto é o efecto ou a consecuencia que algo produce nas persoas ou no mundo.
Exemplo:: O noso vídeo sobre as merendas tivo moito impacto porque fixo que moitos nenos cambiaran o que traen ao recreo.

Óptica

Definición:: Óptica significa o punto de vista ou a maneira en que se observa ou analiza algo.
Exemplo:: Imos estudar as merendas desde diferentes ópticas: a nutricional, a ambiental e a publicitaria.

O noso reto

Igual que Brancaneves non sabía que aquela mazá era prexudicial para ela porque tiña veleno, os teus compañeiros e as túas compañeiras do colexio non coñecen todos os ingredientes dos alimentos que toman nas súas merendas.

Por iso este reto vai ser tan especial, axudarás a mellorar a saúde de toda a comunidade educativa participando nunha campaña de difusión do impacto que ten na súa saúde os alimentos que están a comer. Para iso primeiro farás unha análise das merendas que se consumen no teu centro para logo escoller unha e, por equipos, crear un produto (cartel, podcast, vídeo curto, tríptico...) onde presentarás a información que consideres que a comunidade ten que saber, sobre todo os aspectos negativos, así como alternativas.

Ao longo da situación de aprendizaxe aprenderás como analizar un alimento dende diferentes ópticas: valor nutricional, calorías que chegan ao corpo e posibles actividades para queimalas, impacto medioambiental... Conseguirás que a comunidade educativa se conciencie e cambie os seus hábitos alimenticios?

Cambia a túa alimentación, mellora a túa saúde e CAMBIA O MUNDO!

Lectura facilitada

Brancaneves comeu unha mazá.

A mazá tiña veleno.

Brancaneves non sabía iso.

A mazá era prexudicial.

No colexio pasa algo parecido.

Os teus compañeiros e compañeiras comen merendas.

Moitas veces non saben o que levan.

Non coñecen todos os ingredientes.

Este reto é especial.

Axudarás á túa escola.

Mellorarás a saúde de moitas persoas.

Faremos unha campaña.

A campaña servirá para informar.

Farás unha análise.

Analizarás as merendas do centro.

Escolle unha merenda.

Forma un equipo.

Crea un produto informativo.

O produto pode ser un cartel.

Tamén pode ser un podcast.

Pode ser un vídeo curto ou un tríptico.

Ti decides que facer.

Conta a verdade sobre os alimentos das merendas.

Fala dos aspectos negativos.

Dá alternativas saudables.

Aprenderás moitas cousas.

Saberás analizar os alimentos.

Verás o valor nutricional.

Contarás as calorías.

Relacionarás alimentos con exercicio.

Pesarás no impacto ambiental.

Queres axudar á túa comunidade?

Queres que todas as persoas coman mellor?

Cambia o que comes.

Mellora a túa saúde.

Cambia o mundo.

1.2. O reto