O aparato respiratorio é o encargado de obter o osíxeno, que é unha substancia fundamental para vivir. Sen osíxeno, as nosas células non poderían producir enerxía e o corpo deixaría de funcionar.
As súas funcións principais son:
Captar osíxeno e levalo ata o sangue.
Expulsar o dióxido de carbono producido polo organismo.
Permitir a capacidade de falar e emitir sons.
Filtrar o aire que respiramos para así protexernos.
Quentar e humedecer o aire que respiramos.
Lectura facilitada
O aparato respiratorio axuda a coller o osíxeno que necesitamos para vivir.
Sen osíxeno, as células non poden crear enerxía.
Se as células non funcionan, o corpo tampouco funciona.
Estas son as funcións principais do aparato respiratorio:
Colle o osíxeno do aire.
Leva o osíxeno ata o sangue.
Expulsa o dióxido de carbono do corpo.
Axuda a falar e a facer sons.
Filtra o aire que respiramos.
Quenta o aire que entra no corpo.
Humedece o aire para que non faga dano.
Audio
Unha viaxe polo aparato respiratorio
A respiración realízase seguindo un proceso que consiste en:
Inspiración: o aire entra polas fosas nasais ou a boca ata os pulmóns.
Intercambio de gases: nos alvéolos, cáptase o osíxeno do aire, que pasa ao sangue.
Expiración: o dióxido de carbono expúlsase.
As partes do organismo involucradas neste proceso son:
As vías respiratorias: Son as encargadas de transportar o aire. Distínguense:
Fosas nasais e boca: por onde entra o aire. O nariz quenta, limpa e humedece o aire antes de que vaia cara aos pulmóns.
Farinxe e larinxe: tubos que levan o aire cara á traquea. Na larinxe están as cordas vocais.
Traquea: un tubo que baixa polo pescozo e leva o aire aos bronquios.
Pulmóns: os órganos principais da respiración. Dentro deles ocorren estes intercambios. Atópanse:
Bronquios e bronquíolos: Os bronquios son dúas ramas da traquea que van a cada pulmón. Dentro dos pulmóns, divídense en tubos máis pequenos chamados bronquíolos.
Alvéolos pulmonares: Son pequenos saquiños onde se produce o intercambio de gases: o osíxeno pasa ao sangue e o dióxido de carbono sae do sangue para ser expulsado.
Diafragma: é un músculo que axuda a que os pulmóns se expandan ao inspirar e se contraian ao expulsar o aire.
Lectura facilitada
A respiración é un proceso que segue varios pasos.
Este proceso permite que collemos osíxeno e expulsemos dióxido de carbono.
As fases da respiración son:
– Inspiración:
O aire entra polo nariz ou pola boca.
O aire chega ata os pulmóns.
– Intercambio de gases:
O osíxeno pasa dos alvéolos ao sangue.
O sangue leva o osíxeno ás células.
– Expiración:
O dióxido de carbono sae do corpo.
Expúlsase polo nariz ou pola boca.
Partes do corpo que interveñen na respiración:
Vías respiratorias:
Levan o aire cara aos pulmóns.
Inclúen varias partes:
– Fosas nasais e boca:
Por aquí entra o aire.
A nariz quenta, limpa e humedece o aire.
– Farinxe e larinxe:
Son tubos que levan o aire ata a traquea.
Na larinxe están as cordas vocais.
– Traquea:
É un tubo que baixa polo pescozo.
Leva o aire ata os bronquios.
Pulmóns:
Son os órganos máis importantes da respiración.
Dentro dos pulmóns ocorren os intercambios de gases.
– Bronquios e bronquíolos:
Os bronquios son dúas ramas da traquea.
Cada unha vai a un pulmón.
Dentro dos pulmóns, os bronquios divídense en tubos máis pequenos chamados bronquíolos.
– Alvéolos pulmonares:
Son saquiños moi pequenos.
Aquí o osíxeno entra no sangue.
O dióxido de carbono sae do sangue para ser expulsado.
Diafragma:
É un músculo que está debaixo dos pulmóns.
Axuda a que os pulmóns se expandan cando entra o aire.
