Saltar navegación

Actividades Veripol

Pregunta Verdadeiro-Falso

Indica se son verdadeiros ou falsos as seguintes afirmacións

Pregunta 1

Veripol foi unha das primeiras ferramentas no mundo deseñadas para detectar denuncias falsas mediante intelixencia artificial.

Suxestión

Localiza na introdución o momento no que se presenta Veripol e a súa novidade.

Pregunta 2

Un dos problemas sinalados no informe é que Veripol analiza directamente o que din as persoas denunciantes.

Pregunta 3

Segundo o Regulamento europeo sobre IA, Veripol está incluída entre as ferramentas de alto risco.

Pregunta 4

A baixa cantidade de denuncias analizadas respecto ao total anual en España é un dos aspectos criticados do sistema

Debate ¿É ético empregar ferramentas como Veripol no contexto policial?

Duración:
40
Agrupamento:
Grupo cooperativo

Imos desenvolver un debate crítico guiado sobre Veripol a partir da información achegada. O debate organizarase cunha estrutura en dúas fases: debate por parellas (posición A/B) e rotación a observadores. Inclúse tamén unha lista de preguntas guía e orientacións para construír os argumentos. O tema que debe discutirse é: ¿É ético empregar ferramentas como Veripol no contexto policial?

Os grupos cooperativos de 4 alumnos/as serán divididos en parellas.

  • 1ª rolda:
    • Parella 1 → Rol A (a favor de Veripol)
    • Parella 2 → Rol B (en contra de Veripol)
  • 2ª rolda:
    • Tódolos membros actúan como observadores, comentan e valoran a calidade do debate anterior.

Temporalización (45-50 minutos)

  1. Preparación individual (5 min): lectura do texto e subliñado de datos relevantes.
  2. Preparación en parellas (10 min): cada parella elabora os seus argumentos principais co apoio dunha táboa de pros e contras.
  3. Debate entre parellas (10 min):
    • 2 min para expor argumentos por parella
    • 4 min de réplica/resposta libre
    • A parella contraria escoita sen interromper
  4. Rotación a observadores (5 min):
    • Todos os integrantes cambian de rol e completan unha grella de observación na que avalían a calidade dos argumentos e a claridade da argumentación.
  5. Posta en común en gran grupo (10 min): reflexións éticas, valoración de argumentos, aprendizaxes.

Preguntas posibles

Estas preguntas poden repartirse aleatoriamente entre os grupos ou empregar como apoio durante a preparación dos argumentos.

  • Que vantaxes ofrece Veripol fronte á investigación tradicional?
  • En que casos pode ser útil unha IA na detección de denuncias falsas?
  • Que implica considerar unha IA como de “alto risco”?
  • Que perigos ten basearse nun algoritmo sen coñecer como funciona?
  • É a precisión do 90% suficiente nun contexto policial?
  • Como afecta isto aos dereitos da cidadanía?
  • Como influíu a falta de formación policial na implementación de Veripol?
  • Pode a ferramenta perpetuar prexuízos ou erros sistémicos?

Orientacións para a argumentación

Para o grupo A (a favor)

  • A IA axuda a detectar fraudes e aforra tempo e recursos.
  • A precisión do 90% é moi elevada.
  • Está baseada en datos reais de denuncias anteriores.
  • Serve como apoio, non substitúe ao criterio policial.
  • Pode mellorar a confianza no sistema se se usa ben.

Para o grupo B (en contra)

  • Hai falta de transparencia sobre como funciona Veripol.
  • Parte dunha hipótese moi cuestionable (o 57% das denuncias serían falsas).
  • A mostra era moi pequena e pouco representativa.
  • Pode violar dereitos fundamentais (prexuízos, discriminación, erros).
  • A policía non recibiu formación suficiente para usala correctamente.
  • Non analiza a declaración real do denunciante, senón un resumo do axente.

Para o a fase de observación

  • Os argumentos foron claros e ben estruturados?
  • Usaron datos ou ideas do texto para apoiar as súas opinións?
  • Respectaron as quendas de palabra e escoitaron activamente?
  • Foron capaces de responder de forma coherente e respectuosa?
  • Como resumirías a postura de cada grupo en dúas frases?

Feito con eXeLearning (Nova xanela)