Presentación

Nesta nova sección da Axencia de Protección da Fundación *Intelligere & co* imos investigar como a intelixencia artificial (IA) está a transformar a nosa privacidade e liberdade dixitais. Analizaremos casos reais: desde a vixilancia masiva mediante recoñecemento facial ata a creación de perfís ocultos que predicen o noso comportamento. Como axentes desta unidade, teredes que descubrir quen está detrás destes sistemas e como poden afectar aos dereitos fundamentais das persoas.

A través deste percorrido deberás ser quen de neutralizar bulos, analizar patróns de desinformación e promover a alfabetización dixital da cidadanía. A vosa misión é clara: protexer o ecosistema dixital galego dos excesos de contaminación algorítmica.

Obxectivos da sección

O obxectivo principal é investigar o impacto da IA na privacidade, manipulación informativa e produción de contido sintético, desenvolvendo competencias críticas para recoñecer e combater os seus riscos sociais e éticos.

Obxectivos específicos:

Analizar técnicas de recollida de datos persoais por parte da IA e os seus riscos para a privacidade (vixilancia, perfilado oculto).
Identificar mecanismos de manipulación dixital (deepfakes, cámaras de eco) e as súas consecuencias na democracia e cohesión social.
Experimentar con ferramentas de verificación de contidos para detectar desinformación xerada por IA.
Debater sobre os límites éticos da produción masiva de contido sintético e o seu impacto no emprego creativo.