É momento de empezar a traballar co noso secuenciador para controlar o servo e conseguir resultados máis rítmicos que poidamos manipular dun xeito musical.
Para que entendas como funciona imos empezar enviando so un dos valores entre o secuenciador e o servo; o valor de, a posición.
Basicamente utilizaremos un secuenciador parecido ao que xa vimos na unidade anterior con algunha implementación nova.
Se te fixas na imaxe, a súa anatomía sería a seguinte: por un lado temos o metrónomo para controlar a velocidade dos pulsos (1) funcionando como o corazón do noso sistema. Estes pulsos pasan polo contador (2), no que podemos seleccionar cantos pasos ou pulsos queremos que teña a nosa secuencia. Á súa vez, cada pulso vai a unha porta ou spigot (3). Se esta está activada deixa pasar a información que contén ao servo que funcionarán como unha sinal de activación (bang) e un valor de posición (3).
Aquí introducimos un par de obxectos moi útiles cando queremos enviar información dun obxecto a outro sen ter que conectar cables e manter algo máis limpo o noso patch; os obxectos send e receive, que poderías abreviar como S ou R.
Cos send pulso e send position (4) enviamos eses datos aos obxectos receive pulso e position (5) conectados ao sistema de Arduino (6) que se configura como xa explicamos antes, escollendo o porto e o pin.
Podes descargalo aquí para facer diferentes probas e crear variacións ritmicas.
