Se tes un servo a man tamén podemos probar se o conseguimos controlalo dende esta mesma interface dun xeito similar.

O primeiro sería conectar o servo a Arduino. Como verás ten tres cables. Dependendo do modelo pode ter diferentes cores, pero normalmente son marrón ou negro, vermello e laranxa. O Vermello é o que lle da enerxía ao servo para que funcione e terá que ir ao pin de Arduino que pon 5V, o negro é a terra e ten que ir conectado ao ground (GND) e o laranxa é o que serve para enviarlle os datos de control e dicirlle como queremos que se mova. Neste caso imos utilizar o mesmo pin que utilizamos para o LED na proba anterior.

Para conectalo servo o ideal é utilizar o que se coñecen como jumpers. Isto son uns cables que xa veñen coas puntas preparadas como entrada ou saída. Neste caso o Servo e Arduino teñen entradas polo que debemos utilizar un jumper con picos ou saídas.

Logo imos de novo ao menú que aparece ao lado do pin 13 na representación de PD e cambiamos a opción que tiñamos de Output pola de Servo.

De novo nos colocamos sobre o número do pin 13 e facemos clic e mantemos pulsado mentres movemos cara arriba e abaixo, e veremos que agora, en lugar de High e Low aparecen valores entre 0 e 1 e comprobamos como o servo se move.