7. Glosario

 

C	Cascos azuis	Nome popular co que se designan as Forzas de Paz da ONU. Trátase de corpos militares, formados por soldados dos países membros, cuxo traballo consiste en restablecer e manter a paz; protexer a poboación civil; limpar de minas o territorio; desarmar e inmobilizar os combatentes; manter a lei e a orde, formando a unha forza local da policía, e supervisar o cumprimento dos tratados de paz
	Cooperación	Traballo común levado a cabo por un colectivo de persoas ou entidades cara a un obxectivo común e empregando métodos tamén compartidos. Termo contrario a competición

 

 

D

Discriminación

Distinción ou segregación, que viola os dereitos dos individuos, por cuestións sociais, raciais, de sexo, de orientacións sexuais ou relixiosas

 

E	Emigrante	Persoa que se traslada do seu propio país a outro, normalmente co fin de buscar unhas mellores condicións laborais ou calidade de vida
	Etnocentrismo	Consideración da raza e a cultura propias como superiores ás demais, nomeadamente no referido á lingua, a relixión, os costumes...

 

G

Guerra

Conflito armado organizado que enfronta grupos humanos co propósito de controlar recursos naturais ou humanos

 

I	Inmigrante	Persoa que entra nun país distinto ao de procedencia, o que supón un cambio de residencia de forma temporal ou definitiva. Estes movementos poden realizarse de xeito legal ou ilegal (clandestina)
	Interculturalidade	Interacción entre culturas dun xeito respectuoso, baseada no principio de igualdade, de tal maneira que se favorece a integración e a convivencia de ambas as partes

 

M

Multiculturalidade

Pode referirse á convivencia ou coexistencia de culturas (relixiosas, étnicas, ...) no mesmo país ou territorio. Tamén é a teoría que pretende comprender os fundamentos culturais das nacións caracterizadas pola súa gran diversidade cultural

 

R	Racismo	Forma de discriminación das persoas por motivos raciais, é dicir, pola cor da pel ou calquera característica física que o faga diferente. Non confundir con xenofobia que é o “odio, rexeitamento ou hostilidade cara aos estranxeiros”
	Refuxiado	Persoa que por causa dunha guerra, catástrofe ou persecución debe marchar do seu país buscando refuxio noutro

 

T

Tolerancia

Derivado do latín “tolerare” = soster, soportar, ... Refírese ao grao de aceptación fronte a un elemento contrario ou a unha regra moral

 

X

Xenofobia

Termo grego que significa “aversión ao estranxeiro”, é dicir, rexeitamento dos grupos étnicos diferentes (na fisionomía, no cultural, no político, no social, ...)