1.6.5 Políticas de inmigración e inmigración clandestina

Os gobernos establecen cotas de inmigrantes e leis de inmigración en que se definen o número e o tipo de persoas que teñen dereito a permanecer legalmente nun país, e como obter a nacionalidade. Aqueles que non cumprían con estes requisitos eran coñecidos, ata agora, como inmigrantes ilegais, mais na actualidade esta expresión é substituída por inmigrantes sen papeis. Calcúlase que anualmente máis de dous millóns de persoas cruzan ilegalmente as fronteiras de Australia, Canadá, os EEUU, Nova Zelandia e a UE.

Actividades propostas

S7 Reflexione sobre a evolución dos movementos migratorios en España nos últimos séculos. Faga unha liña do tempo (1800-2000) que reflicta o máis importante dos procesos migratorios da España contemporánea (1 cm = 10 anos).

Reflexione sobre os datos representados na gráfica.
Por que o ano 1853 é clave nos procesos migratorios españois?
Que é un indiano? (Busque nun dicionario ou en internet).
Desde finais do século XX e comezos do XXI España pasou de ser un país de emigrantes a selo de inmigrados. Cales son as características desa inmigración?

Comunidades que tiveron a taxa de emigración máis elevada en 1910.
Cite cinco provincias que apenas sufriran a emigración.
Cal é a taxa bruta de Madrid e Aragón?
E a de Cantabria?

Licenciado baixo a Creative Commons Attribution Non-commercial Share Alike License 3.0

« Anterior | Seguinte »

Por que o ano 1853 é clave nos procesos migratorios españois?	Tras a independencia das colonias americanas a comezos do século XIX, aproveitando a ocupación napoleónica da Península Ibérica, o Goberno español prohibirá a emigración cara ao novo continente. No ano 1853 cambia esa política e reábrense os procesos migratorios cara a aló.
Que é un indiano?	Emigrante ou descendente de emigrantes españois que volveu ao seu país en moitos casos enriquecido. Estes persoeiros dedicaron grande parte da súa riqueza ao desenvolvemento cultural, científico e artístico da súa terra (construíndo colexios, achegando material sanitario para a sanidade, etc...)
Cales son as características desa inmigración?	Emigrantes indocumentados. Viaxan de forma ilegal e en penosas condicións desde os seus países de orixe. Moitos viven na marxinalidade das cidades e non sempre atopan traballo.
Comunidade que tivo a taxa de emigración máis elevada no 1910	Comunidade de Galicia. Provincias de León, Alacante e Almería.
Provincias que apenas sufriron a emigración	Castellón, Badaxoz, Cidade Real, Xaén, Huelva, Córdoba, Toledo, Albacete, Cuenca, Guadalaxara, Segovia.
Taxa bruta de Madrid e Aragón?	Do 2 ao 5%.
E a de Cantabria?	Do 10 ao 20%.