Saltar navegación

5.1. Que di o "audímetro"?

 

Glosario

Cota de pantalla

Pictograma que representa a imaxe dunha televisión cun interrogante.

Definición:

É a porcentaxe de persoas que están a ver un programa de televisión respecto ao total de televisores acesos nun momento dado.

Exemplo:

A presentadora quedou moi satisfeita porque a súa conexión tivo unha alta cota de pantalla, con moitos fogares sintonizando galegas polo mundo.

Ensaio

Pictograma de emisora de televisión

Definición:

É a representación completa da emisión ou actuación antes da súa estrea.

Exemplo:

O ensaio da obra permitiunos mellorar a nosa actuación.

Rúbrica

Pictograma de instrucións para representar a imaxe dunha rúbrica

Definición:

É un instrumento de avaliación que se utiliza para medir o desempeño dos estudantes en tarefas específicas.

Exemplo:

A rúbrica permítenos  avaliar o noso desempeño no reto.

Medimos o alcance da nosa emisión

Pictograma no que se representa unha avaliación mediante un personaxe que mira cunha lupa un documento no que está escrita unha nota, un 9, e ticks en verde. Cando remata unha emisión en directo, ao día seguinte por exemplo, o equipo que a fixo posible reúnese para valorar como foi. Normalmente, adoita interesarlles o share ou cota de pantalla, que é unha medida que estima a porcentaxe de fogares ou espectadores que están a ver un programa de televisión en comparación co total de televisores acesos durante a emisión. Logo, o equipo reflexiona e, ás veces, se é necesario, modifica cousas.

A vosa emisión de seguro foi un éxito, mais cómpre que sexades vós quen valoredes o resultado. A continuación tedes os instrumentos para facer esa valoración.

Como foi o traballo en equipo?

Rúbrica de avaliación do traballo en equipo
 Foinos excelente porque...Fixémolo ben porque...Custounos un pouco porque...Debemos mellorar porque...
Na participación e colaboraciónTodos os membros do equipo participamos activamente e colaboramos axudando a outras persoas. (2)Todos os membros do equipo participamos activamente, pero non axudamos a outras persoas porque nos centramos no noso traballo. (1,5)A metade dos membros do equipo participaron activamente. (1)Só traballou un membro do equipo e as outras persoas integrantes do grupo non colaboraron nin axudaron. (0,5)
O clima de traballoFoi motivador e respectuoso, sen conflitos dentro do grupo. (2)Foi agradable aínda que existiron pequenos conflitos que se resolveron inmediatamente. (1,5)Foi pouco motivador porque houbo conflitos frecuentes que afectaban ao traballo e que se resolveron con axuda. (1)Foi conflitivo porque houbo moitos problemas que afectaron ao traballo. (0,5)
Na posta en común de ideasTodas as persoas do grupo fixemos achegas para completar as tarefas. Respectáronse as opinións e argumentouse o rexeitamento de propostas. (2)Todas as persoas do grupo fixemos achegas para completar as tarefas, pero algunhas das propostas rexeitáronse sen razoamento. (1,5)A metade do grupo achegou ideas e propuxo solucións para acadar as tarefas. (1)Só un membro do equipo achegou ideas, o resto das persoas non levou propostas ao debate. (0,5)
Para o seguimento do traballoFixemos debates e analizamos os resultados do traballo para recoller propostas de mellora. (2)Analizamos os resultados do traballo, e debatemos os resultados, pero non houbo propostas de mellora. (1,5)Analizamos os resultados do traballo, pero sen debates nin propostas de mellora. (1)Non fixemos a valoración do traballo nin debatemos os resultados. (0,5)
A autonomíaFoi plena xa que organizamos o funcionamento do grupo sen axuda, incluso axudamos a outros grupos a organizarse. (2)Foi adecuada xa que organizamos o funcionamento do grupo sen axuda. (1,5)Foi moderada xa que tivemos que solicitar axuda para organizar o traballo ao inicio, pero logo o equipo traballou con autonomía. (1)Foi escasa xa que solicitamos axuda en varias ocasións para organizar o traballo. (0,5)

Elaboración propia (proxecto cREAgal). Rúbrica de avaliación do traballo en equipo (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova ventá

Como foi a miña participación?

Rúbrica para reflexionar e valorar a túa contribución ao reto grupal.

Rúbrica de autoavaliación
 Foime xenial porque...Fixeno ben porque...Custoume un pouco porque...Debo mellorar porque...
Na comprensión do proxectoEntendín todos os pasos para conseguir o reto final e o seu propósito. (2)Souben o que tiña que facer no reto aínda que non entendín o seu propósito. (1,5)Necesitei axuda para entender o reto e os pasos para acadalo. (1)Aínda que solicitei axuda, non entendín as partes do reto. (0,5)
No traballo en equipoIntegreime ben no grupo, axudei ás miñas compañeiras e compañeiros. Amosei moita iniciativa e fun parte importante do equipo. (2)Integreime ben no grupo, axudei ás miñas compañeiras e compañeiros. Acheguei poucas propostas, pero apoiei as propostas dos demais. (1,5)Tiven dificultades para traballar en equipo. Non colaborei co resto do grupo. (1)Non logrei integrarme ben no grupo e rexeitei o traballo. (0,5)
No traballo individualRealicei as actividades individuais que correspondían e remateinas sen erros. Esforceime para realizalas sen axuda. Colaborei coas miñas compañeiras e compañeiros. (2)Realicei as actividades individuais que correspondían, tiven éxito e fíxenas correctamente. Esforceime para acabalas sen axuda e entregueinas todas e a tempo. (1,5)Non realicei todas as actividades individuais que correspondían, para algunhas necesitei axuda. Entregueinas nos tempos marcados. Máis da metade tiveron puntuacións correctas. (1)Non realicei todas as actividades individuais que correspondían. Ademais, a pesar de ter axuda, os resultados deberían ser mellores. (0,5)
Nas sesións motricesParticipei activamente e esforceime para acadar as tarefas con éxito. Axudei ás miñas compañeiras e compañeiros. (2)Participei activamente e esforceime para acadar as tarefas con éxito. (1,5)Participei nas tarefas pero non me esforcei o necesario e algunhas saíron mal. Debería implicarme máis. (1)A pesar de participar nalgunhas actividades, frustreime moito e desistín en realizar ou intentar todas as tarefas. Debería esforzarme moito máis. (0,5)
Na superación do retoTraballei co meu equipo para superar o reto, tamén axudei a outros equipos. Presentei o videotitorial rematado e a tempo co meu grupo. (2)Colaborei na consecución do reto. Presentei o videotitorial co meu grupo. (1,5)A miña participación para superar o reto foi baixa, os meus compañeiros e compañeiras tiveron que axudarme moito. (1)Non participei na preparación do reto, deixei que as miñas compañeiras e compañeiros fixeran todo o traballo. (0,5)

Elaboración propia (proxecto cREAgal). Rúbrica de autoavaliación (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova ventá

Feito con eXeLearning (Nova xanela)