Xa rematamos o noso reto! Foi un longo camiño e custou traballo, mais xa temos os nosos concellos creados e listos para funcionar.

Aínda que xa traballamos dabondo é hora de realizar a coavaliación. Para que o traballo sexa completo, é imprescindible avaliar tanto o noso traballo individual, o noso traballo como grupo e fomentar o noso espírito crítico reflexionando sobre o traballo do resto dos grupos da aula. Para iso teremos que presentar o noso traballo mediante unha exposición aos compañeiros e compañeiras para que estes avalíen o noso traballo e despois sexamos nós os que avaliemos os seus.

Ao facer isto lograremos coñecer en que aspectos podemos mellorar para futuros traballos e tamén como é considerado o noso traballo de forma máis obxectiva posible sen deixarnos levar polas nosas preferencias. 

Imos coa última parte deste reto.