Rúbrica de coavaliación
Neste apartado presentámosche unha rúbrica para que poidas avaliar os produtos finais que presentaron o resto dos grupos. Aínda que sexa unha rubrica de coavaliación tamén pode ser empregada de xeito individual ou en grupo para avaliar dun xeito obxectivo o voso traballo e decatarvos dos aspectos nos que podedes mellorar. Como poderás supoñer, esta crítica é bastante máis técnica e obxectiva que a realizada no punto anterior mediante o xogo feito con papeis ou cartolinas de cores.
| Excelente | Bo | Aceptable | Insuficiente | |
|---|---|---|---|---|
| Claridade e fluidez | Enténdese moi ben toda a información. O volume, ritmo e a entoación son boas. A linguaxe é axeitada. (2.5) | Enténdese ben toda a información. O volume, ritmo e a entoación son boas, aínda que hai algún erro. A linguaxe é axeitada. (1.75) | Enténdese toda a información. Hai erros no volume, ritmo ou entoación. A linguaxe non sempre é axeitada. (1.50) | Non se entende sempre a información. Hai varios erros no volume, ritmo e entoación. A linguaxe non é axeitada. (1.25) |
| Organización e coordinación do equipo | Hai unha boa organización da presentación de contidos. A orde de presentación é fluída e non hai momentos de dúbida e, no caso de habelos, resólvense de inmediato coa axuda do resto do equipo. (2.5) | Hai unha boa organización da presentación de contidos. A orde de presentación é case sempre fluída e os momentos de dúbida resólvense coa axuda do resto do equipo. (1.75) | A organización da presentación de contidos non é moi clara. Na presentación hai algún momento de dúbida que non é ben resolto. (1.50) | A organización da presentación de contidos é difícil de seguir. Na presentación hai numerosos momentos de dúbida que non son ben resoltos. (1.25) |
| Interacción coa audiencia | Hai contacto visual coa audiencia. Modifícanse aspectos da presentación se é necesario segundo a reacción da audiencia (voz máis alta se non escoitan ben, ritmo máis baixo se non seguen ben a presentación,...). Respóndese ás preguntas de forma clara e coa información axeitada. (2.5) | Hai contacto visual coa audiencia a maior parte do tempo. Modifícase algún aspecto da presentación se é necesario segundo a reacción da audiencia (voz máis alta se non escoitan ben, ritmo máis baixo se non seguen ben a presentación,...). Respóndese á maioría das preguntas de forma clara e coa información axeitada. (1.75) | Hai pouco contacto visual coa audiencia. Non se modifican aspectos da presentación se é necesario segundo a reacción da audiencia (voz máis alta se non escoitan ben, ritmo máis baixo se non seguen ben a presentación,...). Respóndese á maioría das preguntas coa información axeitada. (1.50) | Apenas hai contacto visual coa audiencia. Non se modifican aspectos da presentación aínda se é necesario segundo a reacción da audiencia (voz máis alta se non escoitan ben, ritmo máis baixo se non seguen ben a presentación,...). Non se responde ás preguntas coa información axeitada. (1.25) |
| Interiorización dos contidos | As e os integrantes do grupo fan a exposición da súa parte sen momentos de dúbida. (2.5) | As e os integrantes do grupo fan a exposición da súa parte cun momento puntual de dúbida, pero poden seguir coa presentación da súa parte. (1.75) | As e os integrantes do grupo fan a exposición da súa parte con varios momentos de dúbida, pero poden seguir coa presentación da súa parte. (1.50) | As e os integrantes do grupo fan a exposición da súa parte con varios momentos de dúbida, sen poder seguir coa presentación da súa parte. (1.25) |
| Creatividade e atractivo visual | É un tríptico atractivo visualmente e invita á súa consulta. O seu deseño facilita a lectura e interpretación de toda a información. (2.5) | É un tríptico atractivo visualmente e invita á súa consulta. O seu deseño facilita a lectura e interpretación de case toda a información. (1.75) | É un tríptico pouco atractivo visualmente, pero aínda así invita á súa consulta. O seu deseño facilita a lectura e interpretación dalgunha información. (1.50) | É un tríptico que non é atractivo visualmente e non invita á súa consulta. O seu deseño non facilita a lectura e interpretación da información. (1.25) |
- Actividade
- Nome
- Data
- Puntuación
- Notas
- Reiniciar
- Imprimir
- Aplicar
- Nova xanela
.png "Diario aprendizaxe")