Primeira autoridade do concello ou goberno municipal e presidente dese goberno.
Exemplo:
O alcalde ou alcaldesa de Viladouro está aínda sen nomear.
Cidadán/cidadá
Definición:
Persoa que forma parte da comunidade de membros dun estado ou concello.
Exemplo:
A meirande parte dos cidadáns deste concello falan castelán.
Concello
Definición:
Corporación constituída polo alcalde e os concelleiros, que ten ao seu cargo a administración dun municipio.
Exemplo:
Eu vivo no concello de Santiago mais a miña tía vive no concello de Ames.
Fusión
Definición:
Unión de dúas persoas, animais ou cousas.
Exemplo:
As alcaldesas firmaron a fusión dos seus concellos.
Creamos un concello dende cero!
Temos un problema! O concello de Viladouro presenta unha baixa taxa de natalidade, xa que a maior parte da mocidade está marchando cara as cidades e vilas próximas para estudar e traballar. Como consecuencia disto, o colexio CEIP de Viladouro, situado no devandito concello, está a piques de pechar. Por outra banda, a idade media da poboación do concello é cada vez máis avanzada, polo que os recursos e medios non parecen suficientes para atender a toda a veciñanza. Así, a cidadanía reclama máis persoal sanitario no centro de saúde do concello.
Dende o concello estívose estudando a situación e propúxose ós seus habitantes iniciaren un proceso de fusión para xuntarse cun dos concellos limítrofes, xa que deste xeito obterían numerosos beneficios. Aquí é onde o concello solicita a vosa colaboración, xa que durante este proceso vós teredes que tomar decisións moi importantes que van ser imprescindibles para que isto poida levarse a cabo.
Ao ser un proceso formal, é preciso que investiguedes e descubrades novas formas de comunicar e transmitir a información dun xeito organizado. Tamén precisaredes ferramentas para poñer isto en común traballando de forma conxunta e debatendo as diferentes opcións posibles. Aínda que traballemos cun mapa e con concellos ficticios, isto axudaranos a entender onde vivimos e como funcionamos. Seredes quen de formar un novo concello?
Lectura facilitada
O concello de Valdouro precisa xuntarse con outro.
Ao seu arredor existen outros concellos.
Valdouro vaise fusionar.
Temos que falar entre todos para decidir que é o mellor.
Audio
Que aprenderemos?
Ao longo deste REA vas aprender e facer diferentes cousas:
Traballaremos as pautas a seguir para crear diferentes tipos textuais (argumentativos, de opinión, etc.).
Traballaremos como mellorar a nosa expresión oral a través do debate.
Coñecendo diferentes opinións e dando a coñecer as nosas ideas.
Coñeceremos que son os xentilicios e traballaremos sobre eles para poder coñecer a nosa contorna e crear o noso concello.
Afondaremos nas conxugacións verbais, que nos permitirán falar do pasado, presente e futuro do noso novo concello, Viladouro.
Lectura facilitada
Neste REA vas aprender a:
Traballar diferentes tipos textuais.
Traballar a expresión oral mediante o debate.
Coñecer tipos de opinión.
Coñecer os xentilicios para coñecer a contorna e crear un concello.
