Un concello con verbos
Viladouro é o resultado da fusión de dous concellos que decidirán unirse para ser máis fortes e mellorar así aspectos que inflúen na vida da súa veciñanza. Porén, non debemos esquecer que precisamos de moitas máis cousas que a iniciativa para que isto funcione á perfección. Unha desas cousas é a clara e boa comunicación.
Unha boa comunicación conséguese cun correcto uso da linguaxe e a linguaxe está chea de palabras moi diferentes entre si. Un tipo de palabras que xogan un papel fundamental son os verbos, que nos permiten contar historias pasadas, predicir ou especular sobre o futuro, expresar ideas ou dar ordes entre outras moitas cousas.
Imaxinade coma sería un mundo sen verbos… ningunha acción se podería levar a cabo porque NON EXISTIRÍAN! Aprendendo a traballar con eles, estaremos preparadas e preparados para crear leis, resolver conflitos, transmitir as decisións acadadas, etc. Tendo todo isto en conta… védesvos preparadas e preparados para continuar coa creación do voso concello? Comecemos a conxugar os verbos e así poder construír xuntas e xuntos o futuro do noso pobo!
Lectura facilitada
Viladouro é un novo pobo.
Viladouro nace da unión de dous pobos diferentes.
Para mellorar a calidade de vida necesitamos boa comunicación.
Conseguímolo empregando a linguaxe correctamente.
Os verbos son moi importantes.
Con eles podemos contar historias, dar ordes...
Aprendamos a usalos ben!