Democracia no noso concello
Ao longo deste REA puxéstesvos na pel de gobernantes de Viladouro que tiñan que conseguir fusionar o seu concello con outro limítrofe. Cada un dos grupos fixo as súas propostas e agora só queda votar pola mellor.
Como en todo proceso electoral, antes de proceder ás votacións, realízase unha campaña de promoción de cada unha das candidaturas. Estivestes preparando diversos materiais que vos axudarán neste cometido. Así, poderedes botar man das fichas descritivas do voso concello (reto 1, apartado 3), dos trípticos ou vídeos promocionais deste (reto 2, apartado 3.1) e do guión escrito (reto 3, apartado 4), no que defendiades a vosa proposta de fusión.
1. Primeiro, en grupos presentade a vosa proposta de concello ao resto da clase expoñendo os seus puntos fortes (exercicio realizado no punto 4)
2. Segundo, en grupos debatede sobre que fusión sería a máis conveniente. Lembrade o titorial sobre o funcionamento e as normas dun debate.
3. Terceiro, votade polo mellor concello. A votación poderá ser a man alzada, mediante papeis ou utilizando algunha aplicación web (Plickers, Kahoot!, Mentimeter…) para decidir que concello é o gañador.
Lectura facilitada
Primeiro, prepararemos unha presentación.
Deseguido, expoñeremos as nosas propostas.
Debateremos sobre as diferentes opcións.
Finalmente, votaremos pola mellor proposta.
Cada grupo defenderá o seu proxecto.
Todos e todas participaremos no debate.
Eliximos o mellor concello.
Audio
Apoio visual
Enfoque multinivel
Á hora de facer o noso reto final, poderemos realizalo de diferentes formas, as propostas poderían ser:
- Realizar o guión do debate por escrito e expoñelos nun mural onde se poidan ler e consultar.
- Gravar un pódcast durante a realización do debate na aula. Poderase publicar a través da web do centro ou Aula Virtual para a súa difusión á comunidade educativa.
- Realizar o debate en vivo, mentres que as/os compañeiros poden participar con roldas de preguntas.
.png "Diario aprendizaxe")