Saltar navegación

4. Estamos de eleccións!

 

Glosario

Candidatura

Pictograma de Candidata

Definición:

Proposta de presentación para algo.

Exemplo:

Había 3 candidatas para ser elixidas coma delegadas de aula.

Democracia

Pictograma de diputación permanente

Definición:

Unha forma de goberno onde todo o pobo pode participar na toma de decisións a través de instrumentos coma pode ser o voto.

Exemplo:

A delegada da clase foi elixida por democracia. Todas e todos votamos á nosa representante.

Tríptico

Pictograma de cartel

Definición:

Recurso que se dobra en tres partes e que pode incluír información sobre moitos temas.

Exemplo:

No museo había un tríptico onde se incluía a descrición de tódalas obras expostas.

Aprender a debater

Co obxectivo de entender en que consiste un debate e quen son os participantes deste, veremos dous vídeos: 

Un primeiro vídeo nun ton desenfadado e humorístico no que os Reis Magos debaten con Papá Noel. Nel coñeceremos os elementos imprescindibles do debate (mediador, quendas de palabra, argumentos…). Deseguido, veremos un vídeo no que se expón un debate moral “Menores no TikTok?” que vos servirá de guía para xerar un debate. Dependendo da vosa opinión, deberedes situarvos a favor ou en contra compartindo as vosas ideas e rebatendo as dos demais.

Despois teredes que cambiar de parecer e se estabades a favor deberedes expresar a vosa opinión en contra e viceversa. Así pois nun papel teredes que escribir 3 argumentos contrarios á vosa opinión orixinal.

Vídeo 1
Vídeo 2

Lectura facilitada

O primeiro vídeo presenta os elementos da comunicación.
O segundo vídeo presenta un debate.

Tarefas:

Visualizamos os vídeos
Expresamos a nosa opinión
Cambiamos de idea. Expresamos a opinión contraria.

Toma a palabra

Agora que xa tedes os verbos baixo control, estades preparadas e preparados para levar a cabo o segundo reto que vos permitirá achegarvos un pouco máis ao voso obxectivo final. Nos vosos grupos, deberedes de elaborar un guión defendendo a vosa proposta de concello fusionado. Neste guión tedes que falar sobre o futuro de Viladouro (que cambios haberá, que mellorías notará a poboación, que novos servizos se incluirán, etc.). Demostrade a vosa aptitude como novos habitantes do concello! Mans á obra!

Accede á ficha. Abre en nova xanela.

Podes descargar o documento en formato editable .odt picando aquí.

Lectura facilitada

Esta é a elaboración do Reto 2. 

En grupos, crear un guión para defender a proposta de concello fusionado. 

No guión hai que explicar que cambios, mellorías ou novos servizos haberá.

Diario de aprendizaxe

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa.

Colle o teu diario de aprendizaxe e pensa en como che gustaría que fose o teu concello no futuro. Escribe as túas ideas lembrando empregar o futuro. Estes son algúns exemplos de como o podes facer:

Crearanse máis zonas verdes para o benestar dos cidadáns e cidadás. 

Despois pensa en que medidas implementarías para facerlles a vida máis sinxela ós habitantes do teu concello. Neste caso lembra empregar o infinitivo, como no seguinte exemplo:

Construír beirarrúas accesibles para persoas con mobilidade reducida. 

Lectura facilitada

Pensar e escribir como che gustaría que fose o teu concello no futuro utilizando o tempo futuro.

Pensar e escribir as medidas que implementarías para mellorar a vida do teu concello utilizando o infinitivo. 

Feito con eXeLearning (Nova xanela)