Elaboración do proxecto

Elaborar un guión desde a historia escrita. 

Definide a historia que escribistes cos detalles sobre personaxes, escenarios, escenas, diálogos... É importante telo ben organizado para o resto do proxecto. 

Deseñar os personaxes e os escenarios.

Imaxinade e debuxade cales serán os personaxes e como serán. Tamén tedes que pensar no lugar onde ocorre a acción. 

Despois, co material que tedes á vosa disposición, elaborade os personaxes creados e os escenarios escollidos. Pensade no tamaño que deben ter e o xeito no que os ides mover.

Elaborar un storyboard

Organizade a historia en escenas importantes e facede un pequeno bosquexo de cada unha. Deberedes incluír posicións dos personaxes, movementos...

Manexo da aplicación

Neste caso, a aplicación que ides empregar é a Stop Motion Studio. 

Intentade facervos con ela, probar como funciona, experimentar coas diferentes perspectivas da cámara...

Unha vez controlada a aplicación, é o momento de comezar a facer as fotos nunha secuencia.

Avaliación

Revisade o traballo feito para comprobar que todo está correcto e modificar o que consideredes mellorable.

Unha vez rematado, é o momento de valorar o traballo feito.