Poñemos en común as propostas

Chegamos á última parte do REA, agora toca facer unha reflexión final e sacar conclusións sobre o traballo realizado por todos os grupos da aula. Imos dividir esta quinta fase en tres partes que nos permitan visualizar o traballo de compañeiros e compañeiras e achegar e recibir as suxestións sobre os traballos.

Expoñemos

Organizamos a exposición dos traballos realizados. Buscaremos un espazo que nos permita compartir o traballo co resto do colexio, para iso colocaremos os nosos traballos no salón de actos ou os corredores da escola.

Debatemos

Organizamos un debate na aula, seguindo os pasos que xa vimos na fase tres, para escoller as propostas que cremos que son máis interesantes de cara á mellora da vida do concello onde vivimos.

Avaliamos

Empregamos a rúbrica de coavaliación para reflexionar sobre o traballo dos resto de grupos.

Bota unha ollada á túa viaxe

Como o ves ti!

Agora reflexiona:

Cres que esta situación pode darse na túa comunidade?
Que farías ti como superheroe ou superheroína para defender os que sufren estas desigualdades?
Apunta no teu diario de aprendizaxe as túas ideas para facer do mundo un lugar mellor!

Fin da viaxe

Xa chegamos a fin da nosa viaxe!

Neste momento seguro que es quen de explicar cales son os principios democráticos, mais como superheroe ou superheroína debidamente acreditado/a, tamén tes o deber de defendelos.

Nalgúns lugares será unha tarefa sinxela, porque os gobernos ocúpanse realmente de que non se vulneren os dereitos dos cidadáns e cidadás pero, desafortunadamente, noutros non ocorre o mesmo.

Que considerades!

Reflexionade en grupos sobre os seguintes casos reais e actuais que amosan as desigualdades nos sistemas democráticos:

Nos Estados Unidos o tempo para ir votar ao colexio electoral coincide co horario de traballo. Se eu falto ao traballo non me pagarán por esas horas, así que a miña situación económica vai condicionar a miña participación política. Polo tanto, cousas tan sinxelas como o horario das votacións pode facer que gañe un candidato ou outro.
En América Latina o factor educativo condiciona os resultados electorais. As desigualdades económicas son enormes entre a maioría pobre e uns poucos privilexiados, que teñen acceso a unha mellor educación. Iso fai que desenvolvan a súa conciencia política moito máis que aqueles que non tiveron as mesmas oportunidades, polo que a súa participación será maior. Polo tanto, as clases altas controlan o sistema político.

Lectura facilitada

Reflexionade en grupos sobre os seguintes casos REAIS E ACTUAIS que amosan as desigualdades nos sistemas democráticos:

Nos Estados Unidos o tempo para ir votar ao colexio electoral coincide co horario de traballo.

Se non podo faltar ao traballo non podo votar.

Se eu non teño educación é probable que non saiba a importancia de ir a votar.

Isto lles ocorre ás clases baixas en moitos países.

Audio

Marcando a diferenza!

En resumo, estas son as cuestións que marcan a diferenza na participación democrática dunha sociedade:

Acceso desigual á educación: Imaxina que na túa escola algúns nenos teñen libros novos e computadoras, mentres que outros non teñen nin lapis para escribir. Isto é un exemplo de como non todos teñen as mesmas oportunidades para aprender.
Diferenzas na participación: Pensa nunha votación en clase para elixir un xogo. Se só os nenos máis populares poden propoñer xogos, non todos teñen a mesma voz na decisión.
Desigualdade económica: É coma se nuns aniversarios, algúns nenos puidesen comer todo o pastel que queiran, mentres outros só poden mirar.
Representación inxusta: Imaxina que no consello escolar só hai estudantes dos graos máis altos. Os máis pequenos non terían quen fale por eles.
Acceso a servizos: é coma se nun parque, só os nenos que viven preto puidesen usar os xogos, mentres que os que viven lonxe non poden chegar facilmente.

Estes exemplos mostran como, mesmo nun sistema onde todos deberían ser iguais, ás veces hai diferenzas que non son xustas. Nunha democracia real, búscase que todas as persoas teñan as mesmas oportunidades e dereitos.

Lectura facilitada

Cousas que marcan a diferenza na participación democrática dunha sociedade:

Non recibir a mesma educación,

Ganas ou oportunidades que teñamos de participar no proceso.

A nosa situación económica ou o lonxe que vivamos no sitio das votacións.

Son exemplos de situacións que amosan as diferenzas entre as persoas.

As veces hai diferenzas que non son xustas.

Nunha democracia real, búscase que todos teñan as mesmas oportunidades e dereitos.