Anda polo seguro!
O primeiriño de todo, tes que fixarte na dirección web da páxina na que estás a navegar. Porén, que é iso e onde se mira?
As casas onde vive a xente teñen unha dirección postal única, é dicir, o nome dunha rúa e un número. Deste xeito, o carteiro ou a carteira pode traernos cartas e paquetes.
En Internet pasa algo similar. As páxinas web tamén teñen unha dirección única que se coñecen como URL.
Se picas co rato na parte superior da barra de busca, aparece a URL. Asegúrate que a páxina web comece por HTTPS. Por exemplo: https://www.uvigo.gal/es.
Isto quere dicir que estás a navegar por unha páxina segura, onde os teus datos están protexidos. Do contrario, DESCONFÍA, non é unha páxina segura.
Lectura facilitada
Primeiro fíxate na dirección web.
As páxinas de Internet, teñen todas unha dirección única.
Esta dirección chámase URL.
Esta dirección ten que comezar por HTTPS.
Si é a si, quer dicir que estás nunha páxina segura.
Se non comeza por HTTPS, desconfía.
Audio
Busca o cadeado de seguridade
As direccións web dos recursos e páxinas mostran un cadeado no campo URL.
Isto indícache que é un lugar web seguro. Os teus datos non se compartirán.
Conselliños
Consulta webs educativas
Intenta visitar páxinas web coñecidas. De universidades, de colexios, de gobernos, webs de xornais ou de canais de televisión ou radio.
Antes de rexistrarte
Antes de pór os teus datos nunha web, asegúrate que é unha web fiable.
Algúns elementos como carteis de cores que alumean incesantemente, anuncios con descontos esaxerados de produtos, publicidade confusa, son indicacións de que o sitio non é seguro.
Busca o cadeado e HTTPS
Fíxate que teña cadeado e que comece por https://.... Do contrario pode ser unha páxina maliciosa. Coidado!
Día da Internet segura
O Día de Internet Segura é un evento impulsado desde 2004 pola Comisión Europea para promover un uso seguro e responsable das tecnoloxías dixitais, especialmente entre menores e mocidade. Na actualidade celébrase en 180 países.
A mellor maneira de fomentar un uso seguro de internet é mediante a formación e a concienciación, como as que podes atopar en ciberseguridadegalicia.gal
Xunto con novas de interese sobre ciberseguridade e protección de datos persoais, neste portal web podes atopar os seguintes recursos sobre estas temáticas:
 |
Infografías |
 |
Vídeos |
 |
Carteis informativos |
 |
Videoconsellos |
Ademais, o teléfono gratuíto do Incibe, o 017 está dispoñible todos os días do ano de 8:00 a 23:00 para proporcionar atención e axuda nos temas relacionados coa seguridade na vida dixital persoal.
A nivel estatal, o Instituto Nacional de Ciberseguridade tamén pode axudarche e achegarche información:
OSI (Oficina de Seguridade do Internauta)
