Paso 1: seleccionade un dereito da infancia dos que analizastes previamente

Debedes escoller un dereito que consideredes que se vulnera (é dicir, non se protexe) na vosa cidade, por exemplo, o dereito a vivir nun espazo libre de contaminación.

Paso 2: identificade o organismo responsable dese aspecto

No caso da contaminación será a concellaría de medio ambiente da vosa cidade.

Paso 3: elaborade un escrito

Nese escrito aparecerá a seguinte información:

1. Remitente, que sodes vós.
2. Motivo do escrito: por exemplo, a vosa preocupación polo estado dos contedores situados a carón do colexio.
3. Solicita: posible solución, por exemplo mover os colectores ou susbtituílos por outros en mellores condicións.
4. Destinatario: organismo responsable.

Paso 4: enviade o escrito

Podedes elixir diferentes formatos:

• Correo tradicional, ben por rexistro de entrada ou correo ordinario.
• Por vía dixital, en formato texto, vídeo...

Podedes decidir o idioma, enviar o escrito a un ou varios destinatarios, involucrar o equipo directivo do centro ou a anpa... A dimensión da vosa acción para mellorar a vosa contorna é tamén unha decisión democrática!