O primeiro que debedes facer como Consello que busca mellorar o voso cole é precisamente analizar cales son eses aspectos a mellorar. Como non é unha tarefa doada, propoñémosvos que, igual que fai a Unión Europea, vos organicedes no que se coñece como COMISIÓNS DE TRABALLO.
Velaquí algunhas propostas de comisións que podedes crear na vosa aula. Lembrade que o importante é achegar ideas para mellorar o voso cole, polo que as que parecen axeitadas para un, pode non selo para outro. Consensuar entre todas e todos cales son os aspectos máis importantes a tratar será un bo primeiro paso.
LISTADO DE POSIBLES COMISIÓNS COA SÚA CORRESPONDENTE MISIÓN:
Existen multitude de formas de traballar no cole en grupos con idades mesturadas, e ten moitas vantaxes. Este grupo fará propostas de posibles actividades nas que participar desta forma.
Analizará como se relaciona o cole con outras institucións da súa contorna, como asociacións culturais e deportivas, o concello...
Analizará que cousas poden facer os nenos e nenas do cole para coidar da súa contorna.
Analizará o seu patio, propoñendo melloras nas instalacións, o mantemento ou as actividades que se poden desenvolver nese espazo.
Aportará ideas para a celebración dos festivais do cole, como Nadal, Entroido, fin de curso...
Encargada de achegar propostas para que as familias colaboren na vida do centro.
Tal como fan as comisións nas organizacións de goberno da vosa cidade ou no Consello Europeo, fixaredes unhas datas de reunión, nas que achegaredes ideas relacionadas co voso ámbito de traballo.
Recolleredes estas ideas nun documento, que teredes que expor diante da clase para informar dos vosos progresos.
Para elaborar ese documento seguiredes os seguintes pasos:
O mesmo que sucede cos superheroes e superheroínas, hai aspectos do teu cole que son moi bos, o que chamamos fortalezas, e outros que poden mellorar (debilidades). Igual que Superman coa kriptonita, deberedes identificar eses aspectos e recollelos nun listado.
Agora toca darlle á cabeciña e pensar como podemos mellorar os aspectos que nos parece que non funcionan de todo ben, e por suposto recollelo no seguinte apartado do noso documento.
Pode que non caésedes na conta, pero as cousas que funcionan o fan porque hai detrás persoas que se preocupan de que así sexa. Credes que podedes colaborar en actividades que xa se fan no cole ou axudar co coidado dalgún espazo? Espremede o coco, o voso cole necesítavos!!
Unha boa maneira de achegardes ideas e solucións é implicar ao resto do cole nesta misión. Podedes colocar nun lugar visible unha CAIXA DE SUXESTIÓNS no que o alumnado de todo o cole pode facer as súas propostas. Tamén podedes visitar as aulas e facerlles un pequeno resumo da misión que tedes entre mans, e como poden participar na mesma. Cantos máis, mellor!!
Licenciado baixo a Licenza Creative Commons Atribución Non-comercial Compartir igual 4.0