Agora xa sabes quen son as persoas que se encargan de coidar de todos nós no cole pero, cres que poderías aportar o teu gran de area para que todo flúa? Como xa sabes, ti es un neno e nena con dereitos e deberes!

É certo que o equipo directivo pon todas as súas enerxías para que todo marche o mellor posible. Aínda así, seguro que hai moitas ideas que vós, como grupo de nenos e nenas que formades parte deste pequeno universo escolar, podedes achegar para axudarlles na súa importante tarefa.

Neste vídeo da web ciudadesamigas.org explícanse de marabilla os motivos polos que as nenas e nenos debedes participar nas decisións da vosa sociedade. Non perdas detalle!