4. Creamos o noso minimundo

Chegou o momento de elaborar o voso minimundo

Asemblea Conseguístelo!

Despois de este largo camiño, xa podedes ter nas vosas mans os elementos do minimundo. Están clasificados coas seguintes categorías:

Fauna
Flora
Medios de transporte

Elementos do minimundo

Pulsa na imaxe para abrir o PDF nunha nova xanela. Reflexiona sobre a que clima corresponde cada un.

Como o faredes?

Formade grupos e dividídeos por climas. Cada membro do grupo ocuparase dun apartado do minimundo.

Por exemplo, o meu grupo será o responsable de elaborar o clima polar. Eu farei a fauna do clima polar.

Recordade potenciar as vosas dotes de traballo colaborativo. Recordade repartir as responsabilidades de forma eficiente para que todos os membros aporten o mellor de si mesmo e conseguir o resultado que desexades.

Collede os elementos que vos correspondan, coloreádelos e deixade voar a vosa imaxinación para presentalos ao resto dos equipos.

Só tendes que respectar dúas condicións:

1. Facelo nun formato analóxico (non dixital).

2. O formato que elixades debe ter un apoio visual para a vosa exposición.

Por exemplo poderedes:

Colocalos sobre un mural.
Facer un libro coas características dos climas.
Colocalos no mapa.
Facer unha montaxe en 3D

Avalíate!

Rúbrica para a autoavaliación ou coavaliación do alumnado (4x4)
	4 Excelente	3 Satisfactorio	2 Mellorable	1 Insuficiente
Participación nas actividades	Sempre participas e axudas aos compañeiros/as. (4)	Case sempre participas e axudas aos compañeiros/as. (3)	Ás veces participas e axudas aos compañeiros/as. (2)	Non participas ou axudas aos compañeiros/as. (1)
Traballo en equipo	Sabes traballar en equipo e axuda ao grupo. (4)	Escoitas e traballas ben co grupo. (3)	Escoitas ás veces. (2)	Non escoitas aos demais. (1)
Realización das tarefas	Sempre fas as tarefas e axudas aos demais cando o necesitan. (4)	Cumpres coas túas tarefas. (3)	Fas algunhas tarefas, pero precisas de recordatorios. (2)	Non realizas as tarefas ou as deixas incompletas. (1)
Expresión de ideas	Comunicas de forma clara e segura. (4)	Explicas ben as túas ideas. (3)	Explicas algunhas ideas, pero con dificultade. (2)	Tes dificultades para expresar as túas ideas. (1)
Respecto e actitude	Sempre respectas aos demais e as normas, ademais de crear un clima agradable. (4)	Respectas aos demais e as normas (3)	Ás veces respectas aos demais e as normas. (2)	Non respectas aos demais nin as normas. (1)
Resultado do minimundo	O minimundo está ben construido con todos os seus elementos e realizas unha explicación moi satisfactoria. (4)	O minimundo está ben construído con todos os seus elementos e realizas unha boa explicación. (3)	Tes algún erro no minimundo ou na explicación. (2)	Non construíches ben o minimundo nin o explicaches de forma correcta. (1)

Elaboración propia (proxecto cREAgal). Rúbrica para a autoavaliación ou coavaliación do alumnado (4x4) (CC BY-NC-SA)

Actividade
Nome
Data
Puntuación
Notas
Reiniciar
Imprimir
Aplicar
Nova ventá

Diario de aprendizaxe

Despois de moito traballo, o voso equipo acadou o reto final.

Foron días de compartir coñecementos, superar dificultades e poñer en común ferramentas e habilidades que contribuíron á resolución do reto final. Ademais da satisfacción polo traballo ben feito, o que aprendemos neste reto serviranos nun futuro para resolver situacións similares.

Vai ao diario de aprendizaxe e anota as vosas vivencias da fase 4.

Licenciado baixo a Licenza Creative Commons Atribución Non-comercial Compartir igual 4.0