O reto final desta aventura
Viaxarás moi ben acompañado
Para acadar o gran reto final, contarás con compañeiras e compañeiros de aventura que te acompañarán e axudarán a organizar e presentar os teus descubrimentos.
Paradas na viaxe: consegue o pasaporte e as imaxes para o minimundo
Para acadar o reto final deberás recopilar os materiais que irás descubrindo ao longo da túa viaxe. Para iso, ao finalizar cada parada da Fase 3, acadarás:
- Un selo máis no teu pasaporte aventureiro.
DESCARGA O TEU PASAPORTE AVENTUREIRO (abre en nova xanela)
- Os elementos precisos para construír os minimundos.
O reto polo miúdo
Confía na maxia do compás que te guiará cara ao obxectivo final: crear un minimundo sostible.
Ao finalizar o traballo, teredes que escoller entre un dos ecosistemas correspondentes ao clima:
- Polar.
- Tropical árido ou desértico.
- Tropical húmido monzónico.
- Tropical húmido.
- Continental mediterráneo.
- Oceánico.
Ao teu xeito
O minimundo poderás realizalo empregando:
- O material descargable a modo diorama.
- Fotos ou debuxos a modo de mural.
- A modo de lapbook.
- En calquera outro formato que consensuedes en equipo e sexa orixinal.
Elementos indispensables do minimundo
- As características máis destacables do clima que elixades.
- As diversas partes do ecosistema.
- A pegada humana.
- Aportar ideas para que o equilibrio ecolóxico natural non sufra danos.
Suxestións para acadar o éxito
Deixade voar a vosa imaxinación e potenciade as vosas dotes de traballo colaborativo. Recordade repartir as responsabilidades de forma eficiente para que todos os membros aporten o mellor de si mesmo e acadar o resultado que desexades.
