Glosario

Clima

Definición:: Conxunto das condicións do tempo, como a temperatura, as precipitacións, o vento e a humidade, que caracterizan un lugar ou rexión.
Exemplo:: O clima do deserto é seco, cálido e con moi poucas choivas.

Compás

Definición:: Aparello circular con puntos cardinais e unha agulla imantada que sinala o norte.
Exemplo:: O compás indica onde está o norte.

Guía

Icona de persoa levantando unha bandeirola triangular vermella coa súa man dereita. Na parte inferior, aparecen bandeiras de España, Portugal, Italia, Francia, Reino Unido e Alemaña (de esquerda a dereita) + (Arasaac)

Definición:: Persoa que orienta nun camiño e ensina as cousas máis importantes dun lugar.
Exemplo:: A guía contounos todos os segredos da cidade.

Meteoroloxía

Icona que amosa elementos do clima: nube con neve,nube con raio eléctrico, remuíño de vento e nube con pingas de auga + (Arasaac)

Definición:: Ciencia que estuda os fenómenos da atmosfera.
Exemplo:: A meteoroloxía estuda algúns fenómenos como o vento ou as precipitacións.

Minimundo

Definición:: Os minimundos son representacións a pequena escala de espazos reais que permiten explorar, imitar e comprender o mundo que os rodea.
Exemplo:: No minimundo que creamos na aula, representamos o ártico con “icebergs", tamén chamadas montañas de xeo, osos polares e iglús.

Pegada ecolóxica

Definición:: Medida do impacto das actividades humanas sobre o medio ambiente.
Exemplo:: A súa pegada ecolóxica aumentou ao usar o coche en lugar de ir na bicicleta.

Seguridade viaria

Definición:: A seguridade viaria son as normas e as accións que nos axudan a estar a salvo cando usamos as estradas ou as rúas.
Exemplo:: A seguridade viaria é imprescindible para reducir os accidentes de tráfico.

Comezamos a aventura

Unha man sostendo un compás nun ambiente de penumbra con fondo escuro

De pequena, sempre me fascinaba o faiado da miña avoa. Era un lugar cheo de misterios, onde os raios do sol colábanse polos ocos do teito, iluminando as numerosas caixas cheas de po esquecidas.

Un día, mentres rebuscaba entre as cousas, atopei algo que captou a miña atención: unha pequena caixa de madeira con moitos debuxos gravados. Collín a caixa, a abrín e atopei un compás moi, pero que moi especial. Non era un compás calquera. Tiña unha lixeira luminescencia e uns símbolos gravados que nunca vira antes. A miña avoa, ao verme inspeccionalo, achegouse cun sorriso misterioso.

“Ese é o compás máxico”, dixo cun ton que me fixo estremecer. Con el podes viaxar ao futuro, ao pasado e mesmo "teletransportarte" a calquera parte do mundo. Pero debes usalo con responsabilidade. Eu era unha nena e non entendía a importancia do que me dicía, así que gardeino na caixa e esquecinme del... ata hoxe.

Agora que xa coñeces o meu segredo, quero compartir o compás máxico contigo. Neste caso, deixareicho para que ti poidas desfrutar dunha gran aventura. Así que, toma o compás. É teu.

Así que, comeza a túa gran aventura. O compás máxico será a túa guía para explorar os segredos do mundo. Investigarás, coñecerás e vivirás experiencias inesquecibles! As zonas climáticas, a meteoroloxía, o coñecemento científico, as paisaxes únicas e o futuro agardan por ti.

Atréveste?

Lectura facilitada

Cando era pequena, gustábame moito o faiado da miña avoa.

Había moitas caixas vellas cheas de cousas.

Un día, atopei unha pequena caixa de madeira.

Abrina e vin un compás diferente a todos.

Brillaba un pouco e tiña símbolos raros.

A miña avoa viu o compás e dixo: “Ese compás é máxico”.

Serve para viaxar no tempo.

Eu era pequena e non entendín moi ben.

Gardeino na caixa e esquecinme del ata hoxe.

Agora quero que uses o compás.

Con el, poderás vivir unha grande aventura.

Descubrirás lugares, climas, a natureza e mesmo o futuro.