Definición:
Lugar onde viven xuntos os seres vivos (como animais, plantas e persoas) e o medio natural (como o aire, a auga, o chan…). Todos se relacionan entre si para poder vivir.
Exemplo:
Un bosque é un ecosistema onde hai árbores, paxaros, insectos, animais e tamén ríos, pedras e terra. Todos dependen uns dos outros para sobrevivir.
Nesta viaxe, en cada lugar, aprenderás como son os ecosistemas, a vexetación e a fauna, o seu clima e as súas curiosidades. Tamén descubrirás como as persoas van cambiando o medio ambiente e que podes facer para coidar o planeta na actualidade.
Durante esta viaxe, usarás medios de transporte típicos de cada rexión e pensarás no impacto que teñen na natureza. Contarás con guías en cada unha das paradas da túa viaxe que che farán reflexionar e aprender sobre estas cuestións. Tamén investigarás, aprenderás a interpretar as gráficas e mellorarás o teu vocabulario científico.
Prepárate para vivir unha emocionante aventura e coidar o noso planeta.
O compás máxico agarda por ti!
En cada lugar, aprenderás sobre os ecosistemas.
Verás as plantas, animais, o clima e cousas curiosas.
Descubrirás como as persoas cambian o medio ambiente.
Saberás que podes facer para coidar o planeta.
Usarás transportes típicos de cada rexión.
Pensarás no impacto deses transportes na natureza.
Tamén investigarás e entenderás gráficas.
Mellorarás o teu vocabulario científico.
O compás máxico te levará a un obxectivo: crear un minimundo sostible.
Cada descubrimento será un selo no teu pasaporte aventureiro.
Falarás das diferenzas entre climas e zonas climáticas.
Prepárate para unha grande aventura.
Coidemos o noso planeta.
O compás máxico agarda por ti!
Xenial! Xa alcanzaches a primeira fase. Agora só queda cubrir o diario de aprendizaxe para reflexionar sobre todo o aprendido.
Vai ao apartado diario de aprendizaxe e descarga o documento para cubrir a primeira fase.
Licenciado baixo a Licenza Creative Commons Atribución Non-comercial Compartir igual 4.0