Coñecemos a procedencia do que mercamos?
Un dos cambios máis fáciles que podedes facer, comeza por fixarse nas etiquetas dos produtos que mercamos. Se mercamos produtos locais, tanto de Galicia coma de España, a contaminación reducirase en gran cantidade.
Cando as mercancías proveñen importadas doutros países, provocan que se empreguen máis medios de transporte, os cales producen gases.
Algúns dos produtos máis importados en España son o petróleo, o téxtil e moitos dos alimentos (como a pataca, aguacate, bananas, arandos...).
Estes produtos proveñen de moitos países do mundo (China, Francia, Estados Unidos, Marrocos...).
O plástico
Un dos maiores inimigos da contaminación é o plástico. Atópase na maior parte dos produtos que adquirimos, dende alimentos ata na composición da nosa roupa.
É ben sabido por todos e todas que o plástico favorece o cambio climático, aparecendo nos nosos mares, xerando moitos residuos, provocando problemas na saúde humana...
Por iso, é importante mercar aqueles produtos que conteñan a menor porcentaxe de plástico posible. Algúns exemplos son:
- Roupa que non conteña plástico na súa composición.
- Envases con plástico reciclado.
- Alimentos a granel.
Compramos máis do que necesitamos
Unha persoa que fai un consumo responsable ten en conta valores sociais, éticos e de coidado da natureza.
Este implica comprar só cando o necesitamos, priorizando a reutilización e reciclaxe do que xa temos.
Ademais, no consumo responsable evítase mercar en tendas online, no que facer uns cantos clics é máis doado que ir ata unha tenda física. Este tipo de produtos son máis baratos, xa que as condicións dos traballadores adoitan ser máis precarias e a produción resulta ser máis económica.
Mercados ECO e produtos BIO
Os mercados ECO adoitan ser tendas pequenas que teñen produtos locais e/ou de tempada.
Moitos destes mercados teñen os chamados produtos BIO, alimentos elaborados sen químicos, os cales son mellores para a nosa saúde. Os produtos BIO son máis caros, xa que levan máis tempo de produción e un maior custe.
Os mercados ECO non só venden alimentos, tamén podemos mercar produtos de:
- Hixiene
- Hixiene feminina
- Coidado persoal
- Limpeza do fogar
- Moda sostible
- Horta
- Fragrancias
Algunhas das vantaxes de mercar neste tipo de tendas son:
- Menos contaminación por transporte.
- Reducir o consumo de plástico.
- Reutilizar envases.
- Produtos de máis calidade.
- Apoiar as tendas locais.
