Cada rexión do planeta ten un clima único que afecta tanto ás plantas como aos animais que alí viven, así como aos propios ecosistemas e á maneira en que os seres humanos interactúan co entorno. Antes de emprender a gran aventura polo mundo, necesitarás realizar un estudo completo para entender como o ciclo da auga, os instrumentos de medición meteorolóxica e as grandes zonas climáticas condicionan a vida en cada lugar do noso planeta. Para isto, se crearán os grupos de traballo, que se manterán para realizar as tarefas grupais ao longo da viaxe, e levarás a cabo unha investigación que contribuirá o logro do reto final. 

Durante a túa investigación, coñecerás ferramentas científicas para analizar as principais características de cada zona climática. Examinarás as temperaturas, as precipitacións, e mesmo os fenómenos atmosféricos máis destacados. Tamén descubrirás como o clima inflúe na diversidade de flora e fauna, explorando os ecosistemas únicos que se desenvolven en cada rexión.

Esta será a túa viaxe científica, onde o coñecemento será o teu mapa e a túa curiosidade, o teu guía. Con cada paso que deas, estarás máis preto de explorar, coñecer, e apreciar a riqueza do noso planeta.

Así que, comezamos? O mundo agarda por ti!