Como se baila a Muiñeira?
Seguro que vos soa iso da Muiñeira, pero de que se trata exactamente? E o máis importante, quen será capaz de bailala?
A Muiñeira é un baile solto e un xénero musical tradicional galego cun compás 6/8.
Todas e todos escoitastes falar de Muiñeira ou vistes bailar a alguén, pero seredes quen de facelo vós?
Para iso ides ver as estruturas básicas que compoñen os bailes soltos tradicionais galegos:
Punto
Repetición de movementos realizados por un dos bailadores e que o resto teñen que tratar de reproducir.
Un bailador inicia os pasos do punto cara un dos lados e despois repite o mesmo cara o lado contrario, agora xa acompañado polo resto de bailadores (aínda que pode “se xogar” a tratar de adiviñar e reproducir o punto á primeira).
A continuación este punto repítese ata o final da copla (a parte principal da letra da canción) ou da parte principal da música se é só instrumental.
Por exemplo, un punto podería ser "adiante-atrás-adiante + xiro":
Volta
Despois do punto, cando cambia a música os bailadores xiran danzando imitando ao guía, normalmente en sentido antihorario.
Normalmente faise mediante unha roda na que os bailadores se moven nunha estrutura circular, pero nalgúns casos faise ao estilo “taboleiro”.
Paseo ou descanso
É un momento de transición, con pasos máis pausados co obxectivo de descansar ou de pensar o seguinte punto.
Pode ir despois do punto ou na volta (pasos de marcha), pero non sempre se fai.
Lectura facilitada
Que é a Muiñeira?
A Muiñeira é un baile solto e un xénero musical tradicional galego cun compás 6/8.
Conseguiredes bailar a Muiñeira?
Ides ver as estruturas básicas que compoñen os bailes soltos tradicionais galegos:
Punto
Repetición de movementos realizados por un dos bailadores e que o resto teñen que tratar de reproducir.
Un bailador inicia os pasos do punto cara un dos lados.
Despois repite o mesmo cara o lado contrario acompañado polo resto de bailadores.
Volta
Despois do punto cando cambia a música,
os bailadores xiran danzando imitando ao guía.
Normalmente cara a esquerda.
Faise mediante unha roda na que os bailadores se moven en círculo,
pero nalgúns casos faise ao estilo “taboleiro”.
Paseo ou descanso
É un momento de transición,
con pasos máis pausados.
O obxectivo é descansar ou de pensar o seguinte punto.
Pode ir despois do punto ou na volta, pero non sempre se fai.
