Que é a danza?
Calquera de vós movestes algunha vez as cadeiras ao ritmo da música con máis ou menos xeito... pero, saberiades explicar que é a danza?
A danza ou baile é unha arte que emprega a expresión corporal, xeralmente acompañada de música.
A danza caracterízase polo uso do corpo seguindo movementos previamente establecidos (coreografía) ou improvisados (danza libre).
A súa orixe pódese remontar á Antigüidade, con diferentes fins: de ocio, estéticos ou rituais.
Lectura facilitada
Calquera de vós bailastes algunha vez.
Saberiades explicar que é a danza?
A danza ou baile é unha arte que emprega a expresión do corpo.
Habitualmente, a danza acompáñase de música.
A danza caracterízase polo uso do corpo seguindo pasos establecidos ou libres.
A súa orixe pódese remontar á Antigüidade.
Tiña diferentes fins:
- De ocio.
- Estéticos.
- Rituais.
Os movementos baséanse no control total do corpo. Ningún paso é libre, todos están predefinidos, empregando invariablemente todas as partes do corpo.
Aparecen como unha necesidade de encontrar novas formas de expresión corporal máis libres que o ballet clásico. Créanse os movementos usando emocións ou ideas, sen pasos estruturados.
É un termo que abarca todos os bailes nacidos na rúa, co cal cada bailarín ou bailarina ten o seu estilo único. Combina movementos de diferentes disciplinas para crear unha experiencia de baile dinámica e diferente en cada momento.
Bailes grupais que forman parte da tradición dunha sociedade ou dunha cultura e que se transmiten de xeración en xeracións. Normalmente acompáñanse de música con instrumentos tradicionais en celebracións comunitarias e, ás veces, empréganse vestimentas propias.