Glosario
Talento
-
Definición:
-
Capacidade para realizar algo.
-
Exemplo:
-
Carolina Marín ten un gran talento para xogar ao bádminton.
Ti si que vales!
3.1. Concurso de talentos
Que é?
Despois de tan diversa práctica xa teredes descuberto cales son as vosas mellores habilidades.
Agora queda o mellor! Demostrar o voso talento!
Seguro que xa vistes diferentes concursos na tele, pero de que se tratan exactamente?
Un concurso de talentos (ou "talent show" en inglés) é un espectáculo no que un conxunto de concursantes mostran as súas habilidades a un público e a un xurado que determina ao gañador.
Lectura facilitada
Xa saberedes cales son as vosas mellores habilidades.
Agora queda o mellor! Demostrar o voso talento!
Seguro que xa vistes diferentes concursos na tele.
De que se tratan exactamente?
Un concurso de talentos é un espectáculo.
Os concursantes mostran as súas habilidades ao público e ao xurado.
Audio
Tipos de concursos de talentos
Hai numerosos concursos distintos en función das habilidades que demostran os participantes:
Canto
Seguro que che soa "Operación Triunfo" ou "Eurovisión"... calquera xénero musical sería susceptible de incluírse nun concurso.
Teatro
Todo tipo de dramaturxia, sexa monólogo, adaptación, improvisación, imitación, mimos, teatro de sombras...
Baile
Desde bailes de salón, pasando por danzas tradicionais, ata bailes urbanos. Todos os tipos de baile son merecedores de ser empregados nestes eventos.
Cociña
Moi coñecidos na actualidade son os concursos de cociña nos que os participantes se expoñen a receitas de todo tipo.
"Alternativos"
Nesta categoría podedes incluír todas as habilidades que se vos ocorran e que non se mencionaron antes: circo, maxia, acrobacias...
Chegou o momento!
Agora é o voso momento!
Para poder formar parte do concurso de talentos "Ti si que vales" teredes que practicar, durante as seguintes sesións, diferentes habilidades motrices e artístico expresivas ata atopar o voso gran talento.
Adiante!
Lectura facilitada
Agora é o voso momento!
Formaredes parte do concurso de talentos "Ti si que vales".
Tedes que practicar diferentes habilidades ata atopar o voso gran talento.
Adiante!
Audio
Licenciado baixo a Licenza Creative Commons Atribución Non-comercial Compartir igual 4.0