Chegou o momento de cubrir os apartados da Fase 3 do voso diario de aprendizaxe.

Nesta fase, centrástesvos en aprender e practicar diferentes habilidades motrices que despois poderedes escoller para empregar na vosa actuación final. Recordade, xa tedes experiencia en realizar figuras de acrosport cos diferentes roles asociados e os elementos da ximnasia de chan que podedes incluír como elementos de enlace. Tamén mellorastes a vosa habilidade rítmica bailando Muiñeira e Breaking aprendendo pasos para despois aplicalos en momentos de improvisación como as foliadas e as batallas. E practicastes algúns xogos tradicionais que implican moita habilidade técnica, como os trompos, os zancos ou o salto de corda. 

Non esquezades que tamén aprendestes o que é un "concurso de talentos" e os tipos que hai, para poder continuar o voso reto.

Anotade no diario as vosas reflexións. Se non tedes o diario de aprendizaxe, podedes ver o documento dende aquí.