En equipo
Agora que xa tes todos os traballos rematados e fotografados, vaste converter nun ou nunha auténtica documentalista!
Ah! Que non sabes que é un documentalista? Non te apures, no seguinte documento en formato PDF (nova xanela) tes todo o que debes saber sobre esta profesión.
Logo de recoller información sobre esta profesión vinculada ao mundo audiovisual, toca dar un paso máis alá e crear un pequeno documental en grupo, onde contaredes a vida de Warhol e empregaredes todo o aprendido nas fases anteriores. Este vídeo será o que amosaredes ao resto de clases do cole.
Pero, que é iso dun documental? Aprende máis sobre este xénero no seguinte vídeo.
Á hora de crear o voso documental, no teu equipo, teredes que ter en conta o seguinte:
Ten que ter mínimo 5 fotos de cada unha das actividades que fixestes: serigrafía (liña manchada) e arte- zorra.
Ten que ter tamén as fotos que escolliches na fase 3.2 sobre a vida de Warhol (nova xanela), tanto dos vosos debuxos, coma as que escollestes de Internet.
Unha vez teñades todas as fotos teredes que unilas e facer unha montaxe dunha duración de entre 2 e 5 minutos cun editor de vídeo, podes usar Openshot.
Acompañando as imaxes teredes que contar a parte da vida de Warhol que investigastes. Polo que teredes que facer un pequeno guión. Empregade o modelo de organización documental que atoparás máis abaixo. Será de axuda para que vos organicedes.
Unha vez teñades o guión podedes gravar as vosas voces usando un programa como Audacity. Recorda que este programa permite poñer efectos ás voces. Tamén podedes usar un programa que pase texto a voz co Proxecto Nós (nova xanela).
Unha vez que o teñades montado, presentádeo diante da clase. Para iso empregaredes a seguinte guía para valorar o documental (nova xanela) do resto dos grupos. A guía de observación en formato editable.
Videotitorial programa de vídeo
Para montar o vídeo, podedes usar o programa Openshot.
Videotitorial programa de audio
Para gravar as vosas voces podedes usar Audacity.
Lectura facilitada
Xa tes todos os traballos rematados e fotografados
e por iso vaste converter nun documentalista!
Se non sabes que é un ou unha documentalista
no seguinte documento (nova xanela)
tes unha explicación sobre esta profesión.
Despois de informarte,
toca crear un pequeno documental en grupo,
onde contaredes a vida de Warhol.
Este vídeo será o que amosaredes ao resto do cole.
Pero, que é iso dun documental?
Aprende máis no seguinte vídeo.