No momento de realizar unha produción artística é importante seguir unha serie de pasos.
Pensa como te enfrontas ti cando tes que realizar algún traballo de plástica.
Que pasos segues?
Como te organizas?
Fas algunha busca de información ou inspiración?
Contesta as preguntas e fai unha posta en común con todo o grupo.
Lectura facilitada
Para realizar unha obra artística
hai que seguir uns pasos.
Pensa como fas ti
un traballo de plástica.
Que pasos segues?
Como te organizas?
Buscas información?
Audio
Traballa en equipo
Ordenadores ao centro
Esta tarefa ten varios pasos:
1. Cando avise o teu profesor ou profesora tedes que deixar os lapis ou os ordenadores no centro da mesa, ou noutro lugar se o decidides, pero non se poden tocar ata que sexa o momento.
2. Teredes 10 minutos para falar no equipo, de xeito tranquilo, sen molestar aos outros grupos, con respecto pola opinión doutras persoas e sen interromper. Tedes que compartir o que sabedes sobre Andy Warhol e a súa arte, se coñecedes a cultura pop. Tamén tedes que expoñer a vosa experiencia sobre a preparación dun documental. Algunha vez fixestes vídeos con formato de documental? Sabedes o que é un guión?
Durante esta fase de intercambio de coñecemento podedes debater sobre o reto, incluso comezar a propor ideas para crear o documental.
3. Cando remate o tempo teredes 2 minutos para resolver a actividade de verdadeiro-falso que tedes a continuación. Cada persoa co seu ordenador.
Lectura facilitada
Esta tarefa ten varios pasos:
1. Cando avise o teu profesor ou a túa profesora,
non podes tocar o ordenador ou o lapis.
2. Teredes 10 minutos para falar no equipo,
respectando todo o que se diga.
Hai que dicir cousas de Andy Warhol e da súa obra,
se non sabes nada non te preocupes,
xa verás canto aprendes de Andy Warhol.
Tamén podes falar de como se fai un vídeo,
se sabes.
3. Cando remate o tempo terás 2 minutos para resolver a actividade
de verdadeiro-falso que está debaixo.
Audio
Pregunta Verdadeiro-Falso
Le a afirmación.
Consensúa a resposta co teu equipo.
Marca a opción elixida.
Retroalimentación
Falso
Andy Warhol naceu en Pittsburgh, Estados Unidos.
Retroalimentación
Verdadeiro
Unha das obras máis coñecidas de Warhol ten como protagonista latas de sopa.
Retroalimentación
Falso
Andy Warhol empregou moitas técnicas para as súas producións: colaxes, serigrafía...
Retroalimentación
Falso
A imaxe corresponde cun autorretrato de Vincent van Gogh.
Ordenadores ao centro