Autoarte

Traduciches ben. Arte-zorra. Unha das técnicas artísticas empregadas por Warhol foi o art-car ou autoarte.

Nos anos 70, foi contratado por diferentes marcas de coches de competición para que modificase a pintura dos seus vehículos de maneira que chamasen moito a atención. Unhas destas marcas foi BMW, que seguro che soa.

Pois ben, aproveitando que as festas están próximas, ides decorar o centro con zorras elaboradas e pintadas por vós, ao puro estilo Andy Warhol.

Ilustración dunha zorra decorada

Lectura facilitada

Unha das técnicas empregadas por Warhol

foi o art-car ou autoarte.

Nos anos 70,

foi contratado por marcas de coches

para que pintase os seus coches

de maneira que chamasen a atención.

Unhas destas marcas foi BMW.

Aproveitando que se achega o Nadal,

ides decorar o colexio con zorras

elaboradas e pintadas por vós

ao estilo Andy Warhol.

Audio

Creamos os nosos adornos

Preme nos títulos para ler a explicación.

Paso 1

Fai un borrador

Elabora un borrador en papel de como será o teu deseño.

Pictograma que representa a acción de debuxar

Paso 2

Constrúe a base

Decide que material empregarás: cartolina, cartón.
Recorta o seguinte modelo en PDF (nova xanela). Podes visitar este sitio web (nova xanela) para deseñar a túa propia zorra. Se no teu centro hai cortadora láser, tamén podedes empregala.
Pega e monta a peza.
Engade os elementos que consideres precisos con cartón, plástico ou calquera elemento de refugallo que se che ocorra.

Pictograma que representa a acción de construír

Paso 3

Decora a túa zorra

Pinta e decora a túa zorra seguindo o borrador do paso 1.

Pictograma que representa a acción de pintar

Podes cambiar a orde dos pasos 2 e 3, para pintar o modelo antes de pegar a zorra.