Os pasos a seguir son moi sinxelos, presta atención: 

1. Baile libre.
2. Buscamos unha parella achegada e, agarrándonos dos ombreiros, levantamos os talóns 5 veces ao ritmo da música.
3. Separámonos e sinalamos estendendo os brazos ao ritmo da música, outras 5 veces.
4. Levantamos os brazos seguindo o ritmo outras 5 veces.
5. Volvemos ao baile libre e repetimos toda a secuencia varias veces ata rematar a música. 

Fase A

1. Cada un avanza saltando cara á súa parella e en cada compás dan un golpe coa outra man á pandeireta por diante do peito, e outro por detrás.
2. Seguen dando os golpes de pandeireta, pero crúzanse polos ombreiros dereitos, van cara á dereita, un paso e volven ao seu sitio de costas, cruzándose polos ombreiros esquerdos.
3. Mesmo desprazamento e paso que antes, pero no canto de dar palmadas van virando as mans a modo de muíño e tamén virando sobre se mesmos.
4. Repetimos todo unha vez máis.

Fase B

1. Un da parella ponse de xeonllos e levanta a man dereita, mentres leva o ritmo coa pandeireta na esquerda. O outro agarra coa súa man dereita a do mozo e vai virando con paso saltando en torno seu en sentido das agullas do reloxo.
2. Repetimos o mesmo pero cambiando de man e o primeiro posto de pé.

Fase C

1. Enlázanse pola cintura coa man dereita e a esquerda elévana ao aire e viran.
2. Sóltanse e dan un golpe na pandeireta á vez que a cambian de man (pasa á esquerda).
3. O mesmo pero enlazados coa esquerda e virando no sentido contrario ás agullas do reloxo.
4. Repetimos.