Euforia, decepción, alegría, frustración, rabia, felicidade... Os/as deportistas pasan por diferentes sentimentos e estados de ánimo durante a súa práctica deportiva, de aí que a intelixencia emocional cobre cada vez maior protagonismo. Aquel ou aquela deportista que non teña un bo control emocional estará prexudicando o seu rendemento deportivo e esa pode ser a diferencia entre o éxito e o fracaso.

Segundo diferentes estudos, para ter un bo control emocional primeiro hai que distinguir as emocións nun mesmo, e dicir, tomar conciencia das propias emocións. A continuación, hai que saber xestionalas dunha maneira apropiada para que se volvan nun punto ao noso favor e non nun problema. E por último, tamén é importante distinguir as emocións e sentimentos nos demais; deste xeito estaremos desenrolando a empatía e poderemos axudar a outras persoas.

E ti, sabes distinguir as túas emocións durante a práctica dos xogos? Controlas as túas emocións cando practicas un xogo competitivo? Es quen de recoñecer as emocións que os adversarios ou adversarias e os propios compañeiros e compañeiras están sentindo durante a práctica deportiva, mirando tanto as expresións faciais como corporais?