3.2. Configuramos a nosa rede

 

Ocultar

Glosario

Glosario

Avatar
Debuxo que mostra unha foto de perfil dunha rede social

Definición:

Identidade dixital que adopta un usuario dun servizo de Internet, como unha charla, xogo en rede ou foro.

Exemplo:

Nalgúns foros pódese incorporar unha imaxe para utilizala no avatar.

Privacidade
Debuxo que mostra unha porta cun cartel de prohibido o paso. Significa privacidade.

Definición:

Estado ou condición do que é privado; dereito dunha persoa a manter a súa vida persoal e os seus asuntos afastados do coñecemento público ou de terceiros.

Exemplo:

Valoro moito a miña privacidade e non me gusta compartir detalles persoais en redes sociais.

Como organizaremos a nosa rede social?

Ocultar

A nosa rede social será en formato mural. Cada grupo terá o seu espazo onde irá poñendo as diferentes publicacións do contido que se creen ao longo deste proxecto.

Cada grupo terá que configurar a súa rede do seguinte xeito:

  • Primeiro, configurar o seu perfil individual.
  • Segundo, configurar, de forma cooperativa, a súa paxina de grupo.

Unha vez feitas ámbalas actividades, comezaremos a crear o contido e engadilo ao noso "muro de grupo".

A continuación, verás como podedes configurar tanto o voso perfil persoal como a vosa páxina de grupo:

Lectura facilitada

Pechar (Lectura facilitada)

A nosa rede social será en formato mural.

Cada grupo terá o seu espazo onde copiará o contido que vaian creando.

Débese configurar a rede do seguinte xeito:

  • Primeiro configurar o perfil individual.
  • Segundo, configurar de forma grupal a páxina de grupo.

Unha vez feito, comezaremos a crear contido e engadilo ao noso "muro".

A continuación, se explican os pasos para a configuración dos perfís:

Audio

Pechar (Audio)

<https://www.edu.xunta.gal/centros/creagal/pluginfile.php/6644/mod_folder/content/0/AUD_EDF_5PRI_REA4_3-2-ORGANIZAR-REDSOCIAL_V01.mp3>

Configura o teu perfil persoal

Ocultar

Imaxe explicativa das partes do perfil persoal: nome ou alcume, foto de perfil e descrición persoal.

  1. Elixe o teu nome ou alcume:

    O teu nome ou o teu alcume será un identificador máis na rede, non existen dous iguales na mesma rede social. Decidide ben o voso xa que será o que utilicedes durante toda a experiencia e o usaredes cando fagades un comentario para que saiban que é teu e tamén o poden utilizar os teus compañeiros e compañeiras cando te queiran mencionar especificamente a ti nos seus.

  2. Elixe a túa foto de perfil ou o teu avatar:

    Elixe se queres presentarte á comunidade cunha fotografía túa ou ben cun avatar dixital ou debuxado. Algo que che identifique e diferencie das demais persoas!

    Podes probar algunha destas páxinas web para crear avatares: CreatuAvatar - Mangatar - Cartoonify

  3. Cobre a túa descrición persoal:

    Falar sobre un mesmo ás veces non é doado, pero é información interesante para que che coñezan un pouco mellor! Podes escribir sobre os teus gustos, intereses, o que se che da ben e o que non... Pero, recorda! Hai información privada e datos persoais que é mellor que non apareza no perfil dunha rede social.

Lectura facilitada

Pechar (Lectura facilitada)

1. Elixe nome ou alcume:

Será un identificador máis, non existen dous iguales na mesma rede social.

Será o que utilicedes durante todo o proxecto nos comentarios e publicacións.

Tamén o poden utilizar os teus compañeiros e compañeiras cando che queiran mencionar a ti nos seus.

2. Elixe foto de perfil ou avatar:

Elixe se queres presentarte cunha fotografía túa ou ben cun avatar dixital ou debuxado.

Pensa en algo que che identifique e diferencie das demais persoas!

Podes probar algunha web para crear avatares: CreatuAvatar - Mangatar - Cartoonify

3. Cobre a descrición persoal:

Falar sobre un mesmo ás veces non é doado, pero é información interesante para que che coñezan un pouco mellor!

Podes escribir sobre os teus gustos, intereses, o que se che da ben e o que non...

Recorda que hai información privada que é mellor que non apareza no perfil dunha rede social.

Audio

Pechar (Audio)

<https://www.edu.xunta.gal/centros/creagal/pluginfile.php/6644/mod_folder/content/0/AUD_EDF_5PRI_REA4_3-2-PERFIL-PERSOAL_V01.mp3>

Configurade a vosa páxina de grupo

Ocultar

Imaxe explicativa das partes da paxina de grupo: nome do grupo, imaxe representativa, membros que pertencen, descrición grupal

  1. Elixide o nome do grupo :

    Será o voso identificador na rede. Decidide xuntos como vos chamaredes, xa que será o nome que utilizaredes durante toda a experiencia. O usaredes cando fagades comentarios grupais para que saiban que é do voso grupo. Tamén o poden utilizar as vosas compañeiras e compañeiros cando queiran deixarvos unha mensaxe a todos os do grupo de forma xeral.

  2. Elixide a vosa imaxe de cabeceira:

    Esta gran imaxe pode ser simplemente decorativa, ou pode estar relacionada directamente co equipo, cos contidos da unidade ou co deporte en xeral. Por exemplo: unha fotografía vosa, un debuxo, unha montaxe... Algo que decore a páxina, vos represente e vos diferencie dos demais grupos!  

  3. Espazo para os perfiles persoais dos membros do grupo:

    Os membros que pertencen ao grupo porán na páxina de grupo o seu perfil.

  4. Descrición do grupo:

    Neste oco toca escribir sobre o equipo. Pode ser interesante falar dos intereses do grupo, do motivo polo que estades xuntos/as ou das cousas que queredes aprender, por exemplo. 

Lectura facilitada

Pechar (Lectura facilitada)

1. Elixide o nome do grupo :

Será o voso identificador na rede.

Decidide xuntos/as como vos chamaredes.

O usaredes cando fagades comentarios grupais.

Tamén o utilizarán as vosas compañeiras e compañeiros cando queiran deixarvos unha mensaxe a todo o grupo.


2. Elixide a vosa imaxe de cabeceira:

Esta gran imaxe pode ser simplemente decorativa ou estar relacionada directamente co equipo, coa unidade ou co deporte en xeral.

Por exemplo: unha fotografía, un debuxo, unha montaxe...

Será algo que decore a páxina,  e que vos diferencie dos demais grupos!  


3. Espazo para os perfís persoais dos membros:

Os membros que pertencen ao grupo porán na páxina de grupo o seu perfil.


4. Descrición:

Neste oco toca escribir sobre o equipo.

Pode ser interesante falar dos intereses do grupo, do motivo polo que estades xuntos/as ou das cousas que queredes aprender.

Audio

Pechar (Audio)

<https://www.edu.xunta.gal/centros/creagal/pluginfile.php/6644/mod_folder/content/0/AUD_EDF_5PRI_REA4_3-2--ESPAZO-GRUPAL_V01.mp3>

Ver un exemplo

Ver un exemplo

Un debuxo de exemplo de páxina de grupo da rede social

Modelos para descargar

Ocultar

Podedes utilizar os seguintes modelos para crear o perfil persoal e a páxina de grupo.

Ao abrilo seguide as instrucións que aparecen nas notas para modificar o documento de maneira máis sinxela.

Modelos:

Lectura facilitada

Pechar (Lectura facilitada)

Podedes utilizar os seguintes modelos para crear o perfil persoal e a páxina de grupo.

Seguide as instrucións que aparecen nas notas para modificar o documento de maneira sinxela.