2.3. Que saben as redes sociais sobre ti?

 

Ocultar

Glosario

Glosario

Relevante
Pictograma que representa un documento con partes importantes que están resaltadas

Definición:

Que ten importancia, que sobresae.

Exemplo:

Grazas a información relevante que atopei no texto puiden solucionar o exercicio.

Pescudar
Pictograma que representa unha pesquisa cunha lupa e unha pegada

Definición:

Facer as preguntas e investigacións necesarias para chegar a saber algo.

Exemplo:

Dáseme ben pescudar, creo que de maior podería ser unha boa detective.

Alcume
Pictograma que representa un nome alternativo para unha persoa.

Definición:

Nome, xeralmente curto e fácil de recordar, usado por unha persoa nas conversas, grupos de novas ou outras aplicacións de Internet para asegurar o seu anonimato.

Exemplo:

Uxía conectouse ao xogo pero, ao comezo, non sabía que era ela porque usaba o seu alcume en lugar do seu nome.

Privacidade
Pictograma que representa a privacidade de elexir que cousas mostrar ou non dunha información.

Definición:

Calidade do que é de acceso restrinxido a unhas determinadas persoas.

Exemplo:

Os controis de privacidade das redes sociais axudan a que só as túas amizades poidan ver as túas fotos.

O perfil dunha persoa nas redes

Ocultar

O mundo dixital e as redes sociais están cheas de millóns e millóns de datos e, as veces, xa con moi pouca información, podemos saber de quen estamos a falar. Iso é porque algúns deses datos son moi relevantes e nos axudan a pescudalo, como se fosen pistas nunha investigación.

Imos facer unha proba. A quen credes que corresponden os seguintes perfís das redes sociais?

Infografía que consiste na adiviña de a quen corresponde a información destes perfiles.

Seguramente coñeciches a moitos deles, non si? Pero... por que? Que información foi a que te levou a adiviñalo? O avatar elixido? A profesión á que se dedican? O lugar ou a data de nacemento? Ou outra información curiosa sobre os seus gustos ou os seus éxitos?

O perfil en Internet é como unha carta de presentación que recolle, de forma resumida, algunha información que che identifica e que permite a outras persoas atoparen xente cos mesmos gustos, traballos, amizades...

Lectura facilitada

Pechar (Lectura facilitada)

O mundo dixital e as redes sociais están cheas de datos.

Ás veces, xa con moi pouca información, podemos saber de quen estamos a falar.

Iso é porque algúns deses datos son moi relevantes e nos axudan a pescudalo, como se fosen pistas nunha investigación.

O perfil en Internet é como unha carta de presentación.

Recolle, de forma resumida, algunha información que che identifica

e que permite a outras persoas atoparen xente cos mesmos gustos, traballos, amizades...

Audio

Pechar (Audio)

<https://www.edu.xunta.gal/centros/creagal/pluginfile.php/6644/mod_folder/content/0/AUD_EDF_5PRI_REA4_2-3-QUE-SABEN-AS-RRSS_V01.mp3>

IDebuxo no que aparece unha imaxen de mostra dun perfilTi tes perfil en algunha rede social? En cal ou cales?

Que información pos no teu perfil? Que nome ou alcume utilizas? Que descrición ou que fotografía pos?

Tes configurada a privacidade das mesmas? É un perfil público ou é privado so para as túas amizades?

Debate: os perfís nas redes sociais

Ocultar

Duración:
5 min.
Agrupamento:
Toda a clase.

Debuxo que mostra a uns avatares debatendo

  • Que opinas sobre ter un perfil nas redes sociais? Cres que é necesario?
  • Hai xente que utiliza o seu nome e hai outras persoas que utilizan outro nome ou alcume. Ti que cres que é mellor? De que pode depender?
  • Que información cres que debe ir no perfil dunha rede social? Que información non debería de aparecer?
  • Porías a mesma fotografía nunha plataforma para conseguir traballo que nun xogo en rede?
  • O perfil debe manterse público ou é mellor telo privado?

Para reflexionar...

Ocultar

A continuación, e a modo de reflexión sobre o falado anteriormente, ides visualizar un vídeo dunha cámara oculta realizada a uns nenos e nenas sobre o contido que colgaban en redes sociais. Como te sentirías ti se te ocorrese o mesmo que a estas persoas?

<https://www.youtube.com/embed/WqBl2zyXI7g>