A "netiqueta" é un conxunto de normas para regular e promover un comportamento educado e respectuoso na Internet. Como xa falamos anteriormente, é moi importante saber expresarse correctamente para relacionarnos ben con outras persoas, tanto no mundo real coma nas redes sociais e no mundo virtual en xeral. A continuación, tes dous vídeos explicativos nos que explican un pouco máis sobre a mesma.

Seguir as normas da netiqueta, axudarate a socializar mellor e ter unha mellor presenza na rede. Os teus perfís poden servir para atopar amizades con gustos similares, para comunicarte con compañeiros/as de estudos e incluso para comprobar se es a persoa idónea para un posto de traballo. Por iso, recorda sempre as seguintes normas básicas:

• Utiliza unha linguaxe axeitada nos contidos compartidos e nos comentarios realizados.
• Evita escribir todo en maiúsculas. No mundo virtual significa que estás a gritar.
• Utiliza algún emoji se a mensaxe de texto pode parecer confusa e así poderás darlle mais contexto ao que recibe á mensaxe sobre a túa intencionalidade.
• Respecta aos participantes en xeral e non xulgues a ninguén. Non deixes comentarios para facer dano. Recorda que quen lee as túas mensaxes son outros seres humanos con sentimentos que poden ser feridos.
• Respecta a privacidade das demais persoas: non está permitido compartir ningún contido sen o consentimento de todas as persoas afectadas no mesmo. 
• Non copies contidos, intenta ser o máis orixinal posible. Cada quen é libre de compartir co resto o que lle apeteza pero sempre cun respecto e unhas normas. Se utilizas contido de outras persoas, mira previamente se podes utilizalo e atribúe o mérito ao seu creador ou á súa creadora.
• En xeral, axuda a quen o necesite, sexa do teu grupo ou de outro. Todos e todas formades parte dunha mesma comunidade e a todas as persoas nos gusta ser axudadas cando temos un problema ou algunha dúbida que non sabemos solucionar.