2.2. Que sabes sobre as redes sociais?

 

Ocultar

Glosario

Glosario

Temática
Pictograma que representa uns animais da mesma familia, por exemplo vertebrados.

Definición:

Relativo ou pertencente a un tema, un asunto ou unha materia.

Exemplo:

Onte fixemos un exame de Ciencias Naturais da temática dos seres vivos.

Reflectir
Pictograma que representa unha persoa deixando unha mensaxe nun taboleiro.

Definición:

Deixar ver, revelar, pór de manifesto.

Exemplo:

O mestre reflectiu no encerado a solución dos problemas de matemáticas.

Viceversa
Pictograma que representa un intercambio de cousas entre duas persoas.

Definición:

Indica que, ademais do que se di nunha oración, tamén se afirma o mesmo ao inverter seus termos.

Exemplo:

Ambos amigos desculpáronse o un co outro: Antón pediulle desculpas a Xoán, e viceversa.

Que sabedes sobre as redes sociais?

Ocultar

Debuxo dun folio xiratorio cunhas frechas que reflicten a dirección na que xira.

Cando afrontades un novo proxecto, ás veces, non vos dades conta do moito que xa sabedes sobre o tema do que trata ou dos contidos relacionados, que vos poden servir para sacalo adiante. Tamén pode pasar completamente ao contrario, e credes que sabedes moito dunha cousa e, ao final, resulta que non e tedes moitas dúbidas que poden entorpecer a vosa aprendizaxe.

Ides activar eses coñecementos previos que tedes e, para realizalo, faredes unha actividade en grupo chamada folio xiratorio.

O voso grupo terá que anotar todas as palabras relacionadas ca temática das redes sociais que se vos veñan á cabeza. Por persoa, teredes un tempo de 30'' e despois xiraredes o folio para que outro membro do equipo siga escribindo as súas. É unha actividade cooperativa, recordade que sodes un grupo. Traballade en equipo para intentar reflectir no papel todo o que se vos veña á cabeza referido a esta temática, non repitades conceptos.

Deste xeito, poderedes descubrir o que xa sabedes sobre as redes sociais.

Lectura facilitada

Pechar (Lectura facilitada)

Cando afrontamos un novo proxecto,

ás veces sabemos máis do que creemos sobre o tema.

Tamén pode ser ao contrario, e cremos que sabemos moito de algo

e ao final resulta que temos moitas dúbidas.

Imos activar eses coñecementos que xa temos facendo unha actividade chamada folio xiratorio. 

Explicación actividade:

O voso grupo terá que anotar todas as palabras relacionadas cas redes sociais que vos veñan á cabeza.

Teredes 30' segundos por persoa.

Despois, pasaredes o folio ao compañeiro seguinte para que siga escribindo as súas.

É unha actividade cooperativa, recordade que sodes un grupo.

Traballade en equipo para intentar escribir todo o que saibades.

Non repitades conceptos.

Audio

Pechar (Audio)

<https://www.edu.xunta.gal/centros/creagal/pluginfile.php/6644/mod_folder/content/0/AUD_EDF_5PRI_REA4_FOLIO-XIRATORIO_V01.mp3>

Debate: Eu sei o que ti sabes?

Ocultar

Duración:
5 min
Agrupamento:
Toda a clase

Debuxo duns avatares debatendo en grupo

Agora que cada grupo tendes as vosas palabras anotadas nese "folio xiratorio", imos realizar unha pequena conversa entre todos os grupos. Será unha oportunidade fantástica ser conscientes do que sabemos, de lembrar ou descubrir novas palabras e así construír coñecementos xuntos e xuntas.

  • Había algunha palabra que non coñecías? Tiñas algunha palabra anotada que outros equipos non tiñan ou viceversa?
  • Para que serven as redes sociais? Cales son as súas vantaxes e os seus inconvenientes? De que maneiras podes compartir información a través delas?
  • Que problemas coñeces relacionados cas redes sociais?
  • Seguides a algún ou algunha deportista famoso/a nas redes sociais?