6. Glosario

A

• Abiótico

Que non ten vida. Oposto a biótico.

• Anaerobio

Proceso ou organismo que non precisa osíxeno para desenvolverse.

B

• Bioelemento

Elemento químico que forma parte da composición dos seres vivos.

• Biomolécula

Molécula que forma parte da composición dos seres vivos.

• Brións

Plantas primitivas sen flor e de pequeno tamaño, que crecen abundantemente sobre pedras, casca de árbores e o chan en zonas sombrías e húmidas.

C

• Carpelo

Órgano feminino da flor formado por ovario, estilo e estigma. Tamén chamado pistilo.

• Cianobacterias

Grupo de bacterias con nutrición autótrofa por medio da fotosíntese. Hai 2.000 millóns de anos foron os organismos responsables da transformación dunha atmosfera primitiva rica en dióxido de carbono á actual rica en osíxeno.

D

• Doenza

Alteración máis ou menos grave das funcións do organismo.

E

• Envés

Parte de atrás dunha folla.

• Especie

Categoría da clasificación dos seres vivos que agrupa individuos que proceden de antepasados comúns e se poden reproducir entre eles dando descendencia fértil.

• Espora

Célula reprodutora de numerosas especies de vexetais e protozoos.

• Estame

Órgano masculino da flor, formado xeralmente por unha antera no extremo dun filamento.

F

• Fento

Planta sen flor nin semente, de grandes follas en cuxo envés se forman as esporas para a súa reprodución. Os fentos son propios de zonas húmidas e sombrías.

• Fermentación

Proceso que realizan algúns seres vivos, para obteren enerxía. Consiste na degradación de substancias orgánicas complexas noutras máis simples.

H

• Hermafrodita

Que posúe gónadas masculinas e femininas.

• Hormona

Substancia elaborada por algún tecido ou glándula que intervén de xeito específico no funcionamento de certos órganos e no regulamento de certos procesos biolóxicos.

I

• Inorgánico

Substancias características da materia non viva, como os sales minerais.

L

• Lévedos

Calquera dos fungos microscópicos unicelulares que son importantes pola súa capacidade para realizar a descomposición mediante fermentación de diversa materia orgánica, principalmente azucres ou hidratos de carbono, producindo distintas substancias

M

• Metamorfose

Transformación que sofre o corpo dalgunhas especies animais durante o seu desenvolvemento, pola que cambian de forma, adquiren novos órganos ou perden outros.

• Metabolismo

Conxunto de reaccións químicas que teñen lugar no interior das células, como a fotosíntese, a respiración celular ou a fermentación.

• Molécula

Agrupacións dun número de fixo de átomos iguais ou distintos. Por exemplo a auga é unha molécula (H₂0) formada por dous átomos de hidróxeno e un de osíxeno.

N

• Nervio

Cada un dos filamentos que parten do cerebro, da medula espiñal ou doutros centros, que se distribúen por todo o corpo e transmiten as sensacións ou impulsos motores.

• Nutriente

Substancia que os seres vivos obteñen a partir dos alimentos, necesaria para que as células realicen as súas funcións.

O

• Orgánico

Substancias características dos seres vivos constituídas fundamentalmente por carbono, hidróxeno e osíxeno

P

• Pétalo

Cada unha das follas de cores que forman a corola dunha flor.

• Pole

Po moi fino que se produce nos estames das plantas con flores e que é o seu axente masculino de fecundación.

R

• Refugallo

Substancias resultantes dos procesos do metabolismo das células que deben ser eliminadas, xa que poden resultar tóxicas en exceso

S

• Sépalo

Cada unha das partes, a modo de follas verdes, que forman o cáliz dunha flor.