4.1 Actividades de reforzo

Retroalimentación

S25.

A unidade vital dos seres vivos é a célula. É a unidade anatómica porque todos os seres vivos están formado por unha ou moitas células e é a unidade funcional por ser a estrutura máis pequena formada por moléculas complexas coa organización necesaria para realizar as funcións vitais.

S26.

• Nutrición: a súa finalidade é achegar nutrientes ás células para achegar a enerxía necesaria para a realización de todas as actividades da vida e incorporar nova materia para o crecemento celular e repor as estruturas deterioradas.
• Reprodución: a finalidade da función de reprodución é manter a continuidade da especie, evitando a súa extinción ao permitir que as características de un ou máis individuos continúen nos seus descendentes.
• Relación: a función de relación é a que lles permite aos seres vivos percibiren a información do medio exterior ou do interior do seu propio organismo, e produciren unha resposta axeitada aos cambios que se produzan.

S27.

• Raíces: toman a auga e os sales do chan formando o chamado zume bruto.
• Follas (e outras zonas verdes da planta): grazas á axuda de certos pigmentos que absorben a luz, nomeadamente a clorofila de cor verde, realizan a fotosíntese. Así a partir da materia inorgánica achegada polo zume bruto e o dióxido de carbono absorbido por uns orificios (os estomas) prodúcese o zume elaborado, rico en materia orgánica.
• Talo: distribúese cara ás follas o zume bruto, e os produtos sintetizados na fotosíntese (zume elaborado) cara todo o vexetal.

S28.

As células vexetais obteñen a materia orgánica polo proceso de fotosíntese, e os animais directamente alimentándose doutros seres vivos.

Retroalimentación

S29.        

Como obteñen os animais a materia orgánica? e os vexetais?	Os animais obteñen a materia alimentándose doutros seres vivos, os vexetais a elaboran na fotosíntese.
Procesos que son comúns os animais e os vexetais.	Fabricar a súa propia materia e obter enerxía química ( respiración)
En que utilizan os vexetais e os animais a enerxía liberada?	En realizar as funcións vitais; os animais ademais en manter a súa temperatura corporal e en desprazarse.
Que relación ten a actividade dun ser vivo ca cantidade de osíxeno que consome?	Canta máis actividade teña un ser vivo maior será a respiración celular para obter enerxía para as súas actividade, o que supón un maior consumo de osíxeno.
Segundo o anterior, quen consumirá máis osíxeno, os animais ou os vexetais?	Os animais, ao seren máis activos.
Será correcto o dito popular que di que non é bo ter plantas no cuarto á noite?	Non, non supón prexuízo ningún. Aínda que as plantas consomen osíxeno á noite a cantidade é moi pequena, moito menor que calquera animal durante o día ou a noite.

Retroalimentación

S31.

A finalidade dos froitos é axudar a dispersar as sementes. Os froitos que producen moitas plantas, dos que se alimentan os animais, non se producen de xeito desinteresado, senón que teñen a finalidade de usar os animais para axudar a dispersar as sementes que conteñen no seu interior.

Retroalimentación

S35.

O debuxo representa o ciclo reprodutor dunha planta con flor. No interior dos grans de pole, producidos nos estames, desenvólvese o gameto masculino, e por outra banda no interior dos carpelos fórmase o gameto feminino.

Pola polinización o pole chega á parte feminina da flor e prodúcese a fecundación do gameto feminino por un gameto masculino, formando o cigoto, que dará lugar ao embrión da semente. As paredes do ovario transfórmanse e forman o froito que envolve a semente.

Nunhas condicións axeitadas as sementes xerminan e producen, co tempo, unha planta adulta que producirá flores, completándose o ciclo.