3.3 Aumento porcentual

Moitas veces os aumentos danse en forma de porcentaxes; son os chamados aumentos porcentuais: os impostos, as taxas, as subas salariais e de prezos, o consumo dos carburantes e da electricidade, os doentes de corazón... Vexamos como son os cálculos nestes casos.

O aumento porcentual dunha cantidade inicial é o que aumenta esa cantidade segundo unha porcentaxe t %.

• Exemplo 1. Mercamos roupa por valor de 60 euros. O IVE (imposto sobre o valor engadido) é do 16 %. Canto pagamos en total?
  • Primeiro xeito.

16 % de IVE fai que por cada 100 euros gastados paguemos 16 de impostos.

prezo final = prezo roupa + aumento polo imposto

Aumento polo imposto = 16% de 60

Prezo final = 60 + 9,6 = 69,6 EUR que teremos que pagar pola roupa

• • Segundo xeito.

O aumento no prezo polo 16 % do IVE significa que 100 euros se converten en 116 euros. Podemos establecer unha proporción na seguinte táboa:

Formulamos a proporción e resolvemos:

• • Atallo ou xeito rápido.

Se observamos, no punto anterior, que o marcamos en vermello, en realidade estamos a calcular o 116 % de 60 euros; polo tanto poderiamos resolver o problema do seguinte xeito.

prezo final = 116 % de 60 = 1,16 · 60 = 69,6 €